Tamil Nadu : अन्नामलाई यांच्या भूमिकेमुळे तामिळनाडू भाजप अध्यक्षांवरील सस्पेन्स वाढला!

By, Pravin Wankhade - April 11, 2025 09:00:06

0

अमित शहांच्या दौऱ्यापूर्वी समोर आलेल्या या भूमिकेमुळे वेगवेगळे तर्क लावले जात आहेत.

नवी दिल्ली: Tamil Nadu केंद्रीय गृहमंत्री अमित शहा तामिळनाडूमध्ये आहेत. त्यांच्या भेटीपूर्वी भाजपने एक मोठे पाऊल उचलले. भाजपच्या राज्य शाखेने म्हटले आहे की, प्रदेशाध्यक्षपदासाठी निवडणूक घेतली जाईल. पक्षाने अध्यक्षपदासाठी आणि राष्ट्रीय कार्यकारिणीच्या सदस्यांसाठी उमेदवारांकडून अर्ज मागवले आहेत. तसेच प्रदेशाध्यक्ष निवडीसाठी पक्षाने अटी घातल्या आहेत. Tamil Nadu

प्रदेशाध्यक्षपदासाठी फक्त तेच लोक अर्ज करू शकतील जे किमान १० वर्षे पक्षाचे प्राथमिक सदस्य आहेत. भाजपचे प्रदेश उपाध्यक्ष एम चक्रवर्ती यांना निवडणूक अधिकारी म्हणून नियुक्त करण्यात आले आहे. अध्यक्षपदाच्या निवडणुकीचा निकाल १२ एप्रिल रोजी जाहीर होईल. प्रदेशाध्यक्ष के. अन्नामलाई यांना हटवण्याची चर्चा सुरू असताना पक्षाने हे पाऊल उचलले आहे.

अजितदादांनी 5 कोटींच्या खासदार निधीकडे बोट दाखवताच सुप्रिया सुळेंना अपुरा वाटायला लागला तो निधी!

भाजपचे विद्यमान प्रदेशाध्यक्ष के अन्नामलाई यांनी गुरुवारी सांगितले की, पक्ष ११ एप्रिल रोजी अधिकृतपणे याची घोषणा करेल. त्यांनी यापूर्वी सांगितले होते की ते या पदाच्या शर्यतीत नाहीत. नेतृत्वात काही बदल झाला आहे का असे विचारले असता, अन्नामलाई हसले आणि पत्रकारांना म्हणाले, “तुम्हाला उद्या अधिकृतपणे कळवले जाईल. आत्ता मी एवढेच सांगेन की अमित शाह जी आज रात्री चेन्नईला येत आहेत आणि ते उद्या राज्यात होणाऱ्या घडामोडींचा आढावा घेतील.”