Akhilesh Yadav मशिदींखालची सत्य बाहेर आली म्हणून अखिलेश यादवांना दुःख; मुख्यमंत्री निवासाखाली शिवलिंग असल्याचे सांगून खोदायचे वक्तव्य!!

Akhilesh Yadav : मशिदींखालची सत्य बाहेर आली म्हणून अखिलेश यादवांना दुःख; मुख्यमंत्री निवासाखाली शिवलिंग असल्याचे सांगून खोदायचे वक्तव्य!!

विशेष प्रतिनिधी

लखनौ : उत्तर प्रदेशातल्या संभल, वाराणसी वगैरे शहरांमध्ये मशिदींखाली खोदल्यानंतर तिथे मंदिरे, बावडी बाहेर आल्या. मुस्लिम आक्रमकांचे हिंसक सत्य उघड्यावर आले, म्हणून उत्तर प्रदेशचे माजी मुख्यमंत्री अखिलेश यादव यांना दुःख झाले. त्यातूनच त्यांनी मुख्यमंत्री निवासाखाली शिवलिंग आहे. तिथेही जाऊन खोदा, असे वक्तव्य केले.

अखिलेश यादव यांनी पत्रकार परिषद घेऊन मुख्यमंत्री योगी आदित्यनाथ यांच्यावर आगपाखड केली. संभल, वाराणसी मध्ये मशिदींच्या परिसरात आणि मुस्लिम वस्त्यांमध्ये खोदकाम केल्यानंतर तिथे शिव मंदिरे, शिवलिंगे, बावडी हे सगळे आढळले. आत्तापर्यंत मुस्लिम वस्त्यांमध्ये कोणी जात नव्हते किंवा जाऊ दिले जात नव्हते. त्यामुळे तिथली हिंदू अस्तित्वाची प्रतीके झाकून राहिली होती.

सुप्रिया सुळेंनी सांगून देखील युगेंद्र पवारांनी फेरमतमोजणीचा अर्ज मागे घेतलाच नाही??

परंतु, योगी आदित्यनाथ यांच्या सरकारने उत्तर प्रदेशात सत्यशोधन करत मुस्लिम आक्रमकांचा बुरखा फाडला. त्यातूनच संभलमध्ये ऐतिहासिक बावडी सापडली. वाराणसी मध्ये मुस्लिम वस्तीत शिवमंदिर आढळले. संभलमध्येच मुस्लिमांनी अतिक्रमण केलेले शिव मंदिर सापडले.

मुस्लिम आक्रमकांचे असे बुरखे फाटत चालल्यामुळे अखिलेश यादव यांनी रागवून पत्रकार परिषद घेतली. त्यामध्ये त्यांनी लखनऊमध्ये उत्तर प्रदेशाच्या मुख्यमंत्र्यांचे अधिकृत निवासस्थान आहे त्याखाली शिवलिंग आहे तिथेही जाऊन खोदा, असे आक्रस्ताळी वक्तव्य केले.