इस्रायल विरोधात पुन्हा संयुक्त राष्ट्रात ठराव, यावेळी भारताने उचलले 'हे' पाऊल! Again in the UN resolution against Israel India voted in favor of the resolution

Israel Hamas War : इस्रायल विरोधात पुन्हा संयुक्त राष्ट्रात ठराव, यावेळी भारताने उचलले ‘हे’ पाऊल!

Again in the UN resolution against Israel India voted in favor of the resolution

१८ देश या मतदानाला अनुपस्थित राहिले.

विशेष प्रतिनिधी

नवी दिल्ली : इस्रायल-हमास युद्धादरम्यान एक मोठी बातमी समोर आली आहे. पॅलेस्टाईनमधील इस्रायली वसाहतींविरोधातील महत्त्वाचा ठराव गुरुवारी (९ नोव्हेंबर) संयुक्त राष्ट्रांमध्ये मांडण्यात आला. यात सर्वात आश्चर्याची गोष्ट म्हणजे भारताने या प्रस्तावाच्या बाजूने मतदान केले. या प्रस्तावाच्या समर्थनार्थ १४५ देशांनी मतदान केले.

या प्रस्तावाच्या विरोधात मतदान करणाऱ्यामध्ये कॅनडा, हंगेरी, इस्रायल, मार्शल आयलंड, फेडरेटेड स्टेट्स ऑफ मायक्रोनेशिया, नाउरू, अमेरिका यांनी याच्याविरोधात मतदान केले. त्याचवेळी, १८ देश या मतदानाला अनुपस्थित राहिले.

संयुक्त राष्ट्रांमध्ये मांडण्यात आलेल्या या ठरावात पॅलेस्टिनी प्रदेशात इस्रायलच्या चुकीच्या कृतींवर टीका करण्यात आली होती. ‘पूर्व जेरुसलेम आणि व्यापलेल्या सीरियन गोलानसह पॅलेस्टिनी प्रदेशातील इस्रायली वसाहती’ या शीर्षकाचा हा ठराव संयुक्त राष्ट्रात बहुमताने मंजूर करण्यात आला.