Neeraj Chopra : आयपीएल नंतर आता ‘ही’ क्रीडा स्पर्धा देखील भारतात झाली स्थगित

By, Pravin Wankhade - May 10, 2025 09:30:22

0

गोल्डन बॉय नीरज चोप्रा सहभागी होणार होता.

विशेष प्रतनिधी

नवी दिल्ली : Neeraj Chopra भारत आणि पाकिस्तानमधील वाढत्या लष्करी तणावामुळे आयपीएल २०२५ मध्येच स्थगित करण्यात आले आहे. एका आठवड्यानंतर ते पुन्हा सुरू होण्याची अपेक्षा आहे. आता २४ मे पासून बंगळुरू येथे होणारी नीरज चोप्रा क्लासिक स्पर्धाही अनिश्चित काळासाठी पुढे ढकलण्यात आली आहे.Neeraj Chopra

दोन वेळा ऑलिंपिक पदक विजेत्या चोप्राने ‘एक्स’ वर एनसी क्लासिक संघाच्या वतीने एक निवेदन पोस्ट करून स्पर्धा पुढे ढकलण्याची घोषणा केली. एनसी क्लासिक प्रेस रिलीजमध्ये म्हटले आहे की, सध्याच्या परिस्थिती लक्षात घेता, एनसी क्लासिकचा प्राथमिक टप्पा पुढील सूचना मिळेपर्यंत पुढे ढकलण्यात येत आहे. आम्हाला खेळाच्या एकत्रीकरणाच्या शक्तीवर विश्वास आहे. पण या कठीण काळात देशासोबत खंबीरपणे उभे राहणे सर्वात महत्त्वाचे आहे. यावेळी आमच्या सर्व संवेदना फक्त आमच्या सशस्त्र दलांसोबत आहेत जे आमच्या देशासाठी आघाडीवर उभे आहेत. जय हिंद

Devendra Fadnavis : महाराष्ट्र शासन अन् विधि सेंटर फॉर लिगल पॉलिसी यांच्यात सामंजस्य करार

ही स्पर्धा नीरज चोप्रा आणि जेएसडब्ल्यू स्पोर्ट्स यांनी अ‍ॅथलेटिक्स फेडरेशन ऑफ इंडिया (एएफआय) आणि वर्ल्ड अ‍ॅथलेटिक्स यांच्या सहकार्याने संयुक्तपणे आयोजित केली होती. जागतिक अ‍ॅथलेटिक्सने त्याला श्रेणी-अ दर्जा दिला होता आणि भारतीय सुपरस्टारसह अनेक ऑलिंपिक पदक विजेते सहभागी होण्याची अपेक्षा होती. ही पहिली स्पर्धा पंचकुला येथून बंगळुरूमधील कांतीरवा स्टेडियममध्ये हलवण्यात आली.