आचार्य प्रमोद कृष्णम यांची काँग्रेसमधून हाकलपट्टी, पीएम मोदींचे कौतुक केल्याची शिक्षा, पक्षविरोधी वक्तव्यांनंतर कारवाई|Acharya Pramod Krishnam expelled from Congress, punished for praising PM Modi, action taken after anti-party remarks

आचार्य प्रमोद कृष्णम यांची काँग्रेसमधून हाकलपट्टी, पीएम मोदींचे कौतुक केल्याची शिक्षा, पक्षविरोधी वक्तव्यांनंतर कारवाई

वृत्तसंस्था

नवी दिल्ली : काँग्रेसने आचार्य प्रमोद कृष्णम यांना बाहेरचा रस्ता दाखवला आहे. त्याच्यावर शिस्तभंगाची कारवाई करण्यात आली आहे. आचार्य प्रमोद कृष्णम यांची पक्षाने 6 वर्षांसाठी पक्षातून हकालपट्टी केली आहे. नुकतीच त्यांनी पीएम मोदींची भेट घेऊन त्यांचे खूप कौतुक केले होते. इतर कॅबिनेट मंत्र्यांचीही भेट घेतली.Acharya Pramod Krishnam expelled from Congress, punished for praising PM Modi, action taken after anti-party remarks

काँग्रेसने म्हटले आहे की, अनुशासनहीनतेच्या तक्रारी आणि पक्षाविरोधात वारंवार वक्तव्ये होत असल्याच्या तक्रारी लक्षात घेऊन काँग्रेस अध्यक्षांनी प्रमोद कृष्णम यांची पक्षातून 6 वर्षांसाठी हकालपट्टी करण्याच्या उत्तर प्रदेश काँग्रेस कमिटीच्या प्रस्तावाला तत्काळ प्रभावाने मंजुरी दिली आहे.

काँग्रेसला घरचा आहेर, राहुल गांधी तुरुंगात जाण्याची काँग्रेस नेत्यांचीच इच्छा, आचार्य प्रमोद यांचा गंभीर आरोप

आचार्य प्रमोद कृष्णम हे अनेक दिवसांपासून काँग्रेसवर हल्लाबोल करत होते. ते आपल्याच पक्षाच्या नेत्यांना लक्ष्य करत होते. काँग्रेसमध्ये हिंदू शब्दाचा द्वेष करणारे काही मोठे नेते आहेत, असे ते म्हणाले होते. काँग्रेसचे काही नेते असे आहेत जे केवळ राम मंदिराचाच नव्हे, तर प्रभू रामाचाही द्वेष करतात.

एएनआय या वृत्तसंस्थेशी संवाद साधताना ते म्हणाले होते की, कोणीही मंदिरात जाऊन हिंदू होत नाही आणि मशिदीत जाऊन कोणी मुस्लिम होत नाही. जो येशूवर विश्वास ठेवत नाही तो ख्रिश्चन असू शकत नाही आणि जो पैगंबरांवर विश्वास ठेवत नाही तो मुस्लिम असू शकत नाही, त्याचप्रमाणे जो भगवान रामाचा द्वेष करतो तो हिंदू असू शकत नाही. ते म्हणाले होते की, संपूर्ण जगाला माहिती आहे की राम मंदिराचे बांधकाम रोखण्यासाठी प्रयत्न केले गेले, त्यामुळे सनातन धर्म मानणाऱ्या कोट्यवधी लोकांच्या श्रद्धेला धक्का बसला आहे.

आचार्य प्रमोद कृष्णम यांनी नुकतेच मल्लिकार्जुन खरगे यांच्यावर ताशेरे ओढले होते की, मोठ्या नेत्याने आपली शैली आणि भाषा सांभाळली पाहिजे. कार्यकर्त्यांमधून पक्ष निर्माण होतो. कार्यकर्ता मेहनती आणि धाडसी असतो. त्यांच्याबद्दल वापरण्यात आलेल्या भाषेने माझेच मन नव्हे तर सर्व कार्यकर्त्यांची मने दुखावली आहेत.

आचार्य प्रमोद कृष्णम यांनी नुकतीच पंतप्रधान मोदींची भेट घेतली होती. यानंतर ते म्हणाले होते की, मी 1 वर्षापासून राहुल गांधींना भेटण्यासाठी वेळ मागत आहे, पण भेट झाली नाही. तर PMO ला फोन केल्यानंतर अवघ्या 4 दिवसांनी PM मोदींनी त्यांना भेटीची वेळ दिली.