IED blast : IED स्फोटात 8 जवान आणि एक ड्रायव्हर शहीद

By, Pravin Wankhade - January 6, 2025 09:00:25

0

छत्तीसगडमध्ये बीजापूरमध्ये मोठा नक्षलवादी हल्ला

विशेष प्रतिनिधी

बिजापूर : IED blast छत्तीसगडमधील बिजापूरमध्ये नक्षलवाद्यांचा मोठा हल्ला झाला आहे. येथे मोठा IED स्फोट झाला, ज्यामध्ये अनेक जवान शहीद झाले तर 8 जवान गंभीर जखमी झाले. मिळालेल्या माहितीनुसार, नक्षलवाद्यांनी सापळा रचला होता, सुरक्षा दलांच्या ताफ्याजवळून जाताच आयडीचा स्फोट झाला. या हल्ल्यात 9 जवान शहीद झाल्याची बातमी आहे, त्यात 8 DRG सैनिक आणि एका ड्रायव्हरचा समावेश आहे. आयईडी स्फोटाने सैनिकांचे वाहन उडवण्यात आल्याचे सांगण्यात येत आहे.IED blast

माहिती देताना, आयजी बस्तर यांनी सांगितले की छत्तीसगडमधील बिजापूर येथे नक्षलवाद्यांनी त्यांचे वाहन आयईडी स्फोटाद्वारे उडवल्यानंतर आठ डीआरजी जवान आणि दंतेवाडा येथील चालकासह नऊ जणांचा मृत्यू झाला. दंतेवाडा, नारायणपूर आणि विजापूर येथील संयुक्त कारवाईवरून ते परतत होते.

Eknath Shinde एकनाथ शिंदेंना तरुणाकडून जीवे मारण्याची धमकी; सोशल मीडियावर व्हिडिओनंतर गुन्हा दाखल; पोलिसांकडून शोध सुरू

बस्तर आयजी पुढे म्हणाले की दंतेवाडा/नारायणपूर/विजापूरची संयुक्त ऑपरेशन पार्टी ऑपरेशन पूर्ण करून परतत होती. दुपारी 2.15 च्या सुमारास, विजापूर जिल्ह्यातील कुटरू पोलीस स्टेशन हद्दीतील अंबेली गावाजवळ माओवाद्यांनी सुरक्षा दलाच्या वाहनाला आयईडीचा स्फोट करून उडवले, ज्यामध्ये दंतेवाडा डीआरजीचे 8 जवान आणि एक चालक शहीद झाला. एकूण 9 जण शहीद झाल्याची माहिती आहे.

नारायणपूर आणि दंतेवाडा जिल्ह्यांच्या सीमेवर दक्षिण अबुझमदच्या जंगलात शनिवारी संध्याकाळी सुरक्षा दल आणि नक्षलवाद्यांमध्ये चकमक झाली होती. चकमकीनंतर रविवारी 4 नक्षलवाद्यांचे मृतदेह सापडले. सुरू असलेल्या कारवाईदरम्यान सोमवारी आणखी एका नक्षलवाद्याचा मृतदेह सापडला. या चकमकीत ठार झालेल्या नक्षलवाद्यांची संख्या 5 झाली असून त्यात दोन महिलांचाही समावेश असल्याचे अधिकाऱ्यांनी सांगितले होते.