या वर्षात राज्यसभेचे 68 खासदार निवृत्त होणार; 9 केंद्रीय मंत्र्यांचा कार्यकाळ होणार पूर्ण, सर्वाधिक जागा उत्तर प्रदेशातून

By, Pravin Wankhade - January 5, 2024 12:15:28

0

विशेष प्रतिनिधी

नवी दिल्ली : 2024 मध्ये राज्यसभेतील तब्बल 68 खासदार निवृत्त होणार आहेत. त्यात 9 केंद्रीय मंत्री आहेत. सर्वप्रथम दिल्लीत तीन जागा रिक्त होणार आहेत. येथे आप नेते संजय सिंह, नारायण दास गुप्ता आणि सुशील कुमार गुप्ता यांचा कार्यकाळ 27 जानेवारीला पूर्ण होणार आहे.68 Rajya Sabha MPs will retire this year; The tenure of 9 Union Ministers will be completed, most seats from Uttar Pradesh

दिल्लीतील रिक्त जागांसाठी निवडणुकीची तयारी सुरू झाली आहे. सिक्कीममधील एकमेव राज्यसभेच्या जागेसाठीही लवकरच नामांकन सुरू होईल. येथे, SDF सदस्य हिशे लाचुंगपा यांचा कार्यकाळ 23 फेब्रुवारी रोजी संपणार आहे.

अखिलेश यादवांचा 80 हराओचा नारा; उत्तर प्रदेशात घेणार मध्य प्रदेशतला “बदला”!!

त्याचवेळी, रेल्वेमंत्री अश्विनी वैष्णव, शिक्षण मंत्री धर्मेंद्र प्रधान, पर्यावरण मंत्री भूपेंद्र यादव, आरोग्य मंत्री मनसुख मांडविया आणि माजी पंतप्रधान मनमोहन सिंग यांच्यासह 57 नेते एप्रिलमध्ये आपला कार्यकाळ पूर्ण करणार आहेत.

उत्तर प्रदेशमध्ये जास्तीत जास्त 10 जागा रिक्त राहतील. यानंतर महाराष्ट्र आणि बिहारमध्ये 6-6 जागा, मध्य प्रदेश आणि पश्चिम बंगालमध्ये 5-5, कर्नाटक आणि गुजरातमध्ये 4-4, ओडिशा, तेलंगणा, केरळ आणि आंध्र प्रदेशमध्ये प्रत्येकी 3-3 जागा रिक्त राहतील.

झारखंड आणि राजस्थानमध्ये प्रत्येकी 2 जागा आणि उत्तराखंड, हिमाचल प्रदेश, हरियाणा आणि छत्तीसगडमध्ये प्रत्येकी एक जागा रिक्त असेल. दिल्लीत 3 आणि सिक्कीममध्ये एक जागा रिक्त राहणार आहे. दुसरीकडे, चार नामनिर्देशित सदस्य जुलैमध्ये निवृत्त होत आहेत.

हिमाचल प्रदेशमधून राज्यसभेवर पुन्हा उमेदवारी मिळवण्यासाठी भाजप अध्यक्ष जेपी नड्डा यांना त्यांच्या गृहराज्याबाहेरील जागा शोधावी लागेल कारण तेथे काँग्रेसची सत्ता आहे. याशिवाय कर्नाटक आणि तेलंगणामधूनही काँग्रेस आपले उमेदवार राज्यसभेवर पाठवण्याच्या तयारीत आहे. कारण काँग्रेसशासित कर्नाटकात राज्यसभेच्या चार आणि तेलंगणात तीन जागा रिक्त होणार आहेत.

जानेवारी महिन्यात

दिल्ली – संजय सिंग (आप), नारायण दास गुप्ता (आप) आणि सुशील कुमार गुप्ता (आप)

फेब्रुवारीत

सिक्कीम – हिशे लाचुंगपा (SDF)

एप्रिलमध्ये

राजस्थान – मनमोहन सिंग (INC), भूपेंद्र यादव (भाजप)
ओडिशा – अश्विनी वैष्णव (भाजप), प्रशांत नंदा, अमर पटनायक (बीजेडी)
उत्तराखंड – अनिल बलूनी (भाजप)
गुजरात – मनसुख मांडविया (भाजप), परशोत्तम रुपाला (भाजप), नारनभाई राठवा (INC), अमी याज्ञिक (INC).
महाराष्ट्र – व्ही मुरलीधरन (भाजप), नारायण राणे (भाजप), प्रकाश जावडेकर (भाजप), कुमार केतकर (आयएनसी), वंदना चव्हाण (राष्ट्रवादी), अनिल देसाई (शिवसेना- यूबीटी).
मध्य प्रदेश – धर्मेंद्र प्रधान (भाजप), एल मुरुगन (भाजप), अजय प्रताप सिंग (भाजप), कैलाश सोनी (भाजप), राजमणी पटेल (INC).
कर्नाटक – राजीव चंद्रशेखर (भाजप), एल हनुमंथैय्या (INC), GC चंद्रशेखर (INC), सय्यद नासिर हुसेन (INC).
तेलंगणा – जोगिनिपल्ली संतोष कुमार (BRS), रविचंद्र वड्डीराजू (BRS), बी लिंगय्या यादव (BRS)
पश्चिम बंगाल – अबीर रंजन बिस्वास (TMC), सुभाषीष चक्रवर्ती (TMC), मोहम्मद नदीमुल हक (TMC), शंतनू सेन (TMC), अभिषेक मनु सिंघवी(INC).
बिहार – मनोज कुमार झा (RJD), अहमद अशफाक करीम (RJD), अनिल प्रसाद हेगडे (JDU), बशिष्ठ नारायण सिंह (JDU), सुशील कुमार मोदी (भाजप), अखिलेश प्रसाद सिंग (INC).
उत्तर प्रदेश – अनिल अग्रवाल (भाजप), अशोक बाजपेयी (भाजप), अनिल जैन (भाजप), कांता कर्दम (भाजप), सकलदीप राजभर (भाजप), जीव्हीएल नरसिंह राव (भाजप), विजय पाल सिंग तोमर (भाजप), सुधांशू त्रिवेदी (भाजप) आणि हरनाथ सिंह यादव (भाजप), जया बच्चन (सपा).
आंध्र प्रदेश – कनकमेडला रवींद्र कुमार (टीडीपी), सीएम रमेश (भाजप), प्रभाकर रेड्डी वेमिरेड्डी (वायएसआरसीपी) छत्तीसगड – सरोज पांडे (भाजप) हरियाणा – डीपी वत्स (भाजप)

मे महिन्यात

झारखंड – समीर ओराव (भाजप), धीरज प्रसाद साहू (INC)

जुलैमध्ये

केरळ – एलामाराम करीम (सीपीआय-एम), बिनॉय विश्वम (सीपीआय), जोस के मणी केसी (एम)

राज्यसभा खासदारांच्या निवडणुकीची प्रक्रिया इतर निवडणुकांपेक्षा खूपच वेगळी असते. राज्यसभेचे सदस्य अप्रत्यक्षपणे निवडले जातात, म्हणजेच ते जनतेद्वारे नव्हे, तर आमदारांद्वारे निवडले जातात. राज्यसभा निवडणूक जिंकण्यासाठी किती मतांची आवश्यकता आहे, हे आधीच ठरलेले असते.

एकूण आमदारांची संख्या आणि राज्यसभेच्या जागांच्या संख्येच्या आधारे मतांची संख्या मोजली जाते. यामध्ये एका आमदाराच्या मताचे मूल्य 100 आहे.