गुजरातेतून 40,000 महिला बेपत्ता झाल्याचा दावा करणाऱ्यांची पोलखोल, पोलिसांनी सांगितले वास्तव, वाचा सविस्तर

By, Pravin Wankhade - May 9, 2023 09:30:09

0

प्रतिनिधी

गांधीनगर : ‘द केरला स्टोरी’ या चित्रपटात केरळमधून 32,000 हिंदू मुलींचे धर्मांतर करण्यात आले आणि यातील अनेकांचा ISIS या दहशतवादी संघटनेत समावेश असल्याचा दावा करण्यात आला होता. चित्रपटातील या दाव्यानंतर सोशल मीडियावरील एका वर्गाच्या नजरा भाजपशासित गुजरातकडे वळल्या. गुजरातमध्ये 5 वर्षांत 40 हजार महिला बेपत्ता झाल्या असून त्यांचा ठावठिकाणा लागलेला नाही, असा दावा या गटाने केला होता. या बातमीची सोशल मीडियावर जोरदार चर्चा झाली. केरळ स्टोरीमध्ये महिला बेपत्ता झाल्याची चर्चा आहे, पण भाजपशासित गुजरातमध्ये हे घडत आहे आणि कोणीही बातमी दाखवत नाही, असे अनेक लोक म्हणू लागले.40,000 Women Claimed to be Missing from Gujarat, Polkhole, Police Says Reality, Read More

नरेंद्र मोदींनी शेअर केला दाऊदी बोहरा समुदायाशी इमोशनल कनेक्ट!!

There are media reports citing data sources of National Crime Record Bureau (NCRB), New Delhi that 40,000 women have gone missing in Gujarat in 5-years. However, out of 41,621 women gone missing during the period 2016-20 as per the data published in Crime in India-2020

— Gujarat Police (@GujaratPolice) May 8, 2023

काय आहे वास्तव?

आता गुजरात पोलिसांनी नॅशनल क्राईम रेकॉर्ड ब्युरोच्या आकडेवारीचा हवाला देऊन त्यांच्या राज्यातील हरवलेल्या महिलांबाबत प्रसिद्ध केलेल्या बातम्यांचा पर्दाफाश केला आहे. गुजरात पोलिसांनी 2016 ते 2020 पर्यंत राज्यात 41,621 महिला बेपत्ता झाल्याचं ट्विट केलं आहे. या हरवलेल्या महिलांपैकी 39,497 म्हणजेच सुमारे 95 टक्के महिलांचा पोलिसांनी शोध घेऊन त्यांच्या कुटुंबीयांकडे सुपुर्द केल्याचे गुजरात पोलिसांनी सांगितले आहे. एकतर्फी बातम्या प्रकाशित करणाऱ्यांना फटकारताना गुजरात पोलिसांनी सांगितले की, नॅशनल क्राइम रेकॉर्ड ब्युरोच्या ‘क्राइम ऑफ इंडिया 2020’ मध्येही हा आकडा देण्यात आला आहे.

The investigation has revealed that women go missing due to family disputes, elopement, failure in examinations etc. However, investigation into missing person cases has not revealed episodes of trafficking for sexual exploitation, organ trafficking etc.

— Gujarat Police (@GujaratPolice) May 8, 2023

गुजरात पोलिसांनी आपल्या ट्विटमध्ये म्हटले आहे की, कुटुंबातील भांडणामुळे महिला बेपत्ता होणे, इतरांसोबत पळून जाणे, परीक्षेत यश न मिळणे अशी अनेक प्रकरणे आहेत. आतापर्यंतच्या तपासात महिलांचे लैंगिक शोषण किंवा अवयव विक्रीसाठी अपहरण किंवा नेण्यात आल्याचे कधीही आढळून आलेले नाही, असे पोलिसांनी म्हटले आहे. गुजरात पोलिसांनी पुढे म्हटले आहे की, बेपत्ता व्यक्तींच्या तपासासाठी सर्वोच्च न्यायालयाच्या मार्गदर्शक तत्त्वांचे पालन केले जाते आणि यासंबंधीचा सर्व डेटा एका विशेष वेबसाइटवर टाकला जातो. हरवलेल्या लोकांना शोधण्यासाठी गुजरात पोलीस राष्ट्रीय स्तरावरही काम करतात. इतर राज्यांतील पोलिसांनाही माहिती मिळावी यासाठीच या वेबसाइटवर डेटा फीड केला जातो.