आसाममधून अल कायदाशी संबंधित 34 जणांना अटक, डीजीपींनी उघड केला मदरशांचा वापर


वृत्तसंस्था

गुवाहाटी : आसाम पोलिसांनी अल कायदाशी संबंधित 34 हून अधिक लोकांना अटक केली आहे. एवढेच नाही तर आसामच्या बाहेर बांगलादेशातून संपूर्ण कट रचला जात असल्याचे पोलिसांचे म्हणणे आहे. राज्यातील तरुणांना धर्मांधता पसरवण्यासाठी भडकवले जात आहे. मात्र, हा कट यशस्वी होऊ दिला जाणार नाही, असेही पोलिस म्हणाले.34 Al Qaeda-linked arrested from Assam, DGP reveals use of madrassas

आसामचे डीजीपी भास्कर ज्योती महंता यांनी सांगितले की, आसाम पोलिसांनी आतापर्यंत अल कायदाशी संबंधित ३४ हून अधिक लोकांना अटक केली आहे. “आसाम पोलिस कट्टरताविरोधी उपाययोजना राबवत आहेत. ते म्हणाले, राज्यातील दहशतवादी गटांचा वाढता प्रभाव पाहता हे पाऊल उचलण्यात आले आहे.



आसामचे डीजीपी म्हणाले की, अटक करण्यात आलेले लोक अल कायदाशी संबंधित आहेत. आसाम पोलीस असा कट यशस्वी होऊ देणार नाहीत. आसाममध्ये मदरशांचे वेगवेगळे गट असल्याचे त्यांनी सांगितले. काही नवीन गटही तयार होत आहेत, काही लोक मदरशांचा फायदा घेत आहेत. हा सगळा कट अल कायदाने आसामबाहेर, विशेषतः बांगलादेशात रचला आहे, जेणेकरून तरुणांना भडकावून धर्मांधता पसरवता येईल.

याआधीही आसाममधील गोलपारा येथे पोलिसांनी दोन संशयित दहशतवाद्यांना अटक केली होती. हे दोन्ही दहशतवादी अल कायदा आणि अन्सारुल्ला बांग्ला संघाशी संबंधित होते. पोलिसांनी दोघांच्या घराची झडतीही घेतली होती. यामध्ये आक्षेपार्ह साहित्य सापडण्यासोबतच जिहादी घटकांशी संबंधित पोस्टर्स जप्त करण्यात आले.

अलीकडेच आसाममध्ये अल कायदाचे दहशतवादी मॉड्यूल उघड झाले आहे. बांगलादेशस्थित अन्सरुल इस्लाम या दहशतवादी संघटनेशी संबंध असल्याच्या आरोपावरून पोलिसांनी 2 जिल्ह्यातून 12 जिहादींना अटक केली होती. पोलिसांनी दोन मदरसेही सील केले होते. या प्रकरणी पोलिसांनी मोरीगावातील मोईराबारी येथील मदरशाच्या मुफ्तींनाही जिहादी संबंधांच्या आरोपाखाली अटक केली होती. तर मुख्याध्यापकासह एकूण 8 शिक्षकांनाही ताब्यात घेण्यात आले.

34 Al Qaeda-linked arrested from Assam, DGP reveals use of madrassas

महत्वाच्या बातम्या 

Array

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात