कर्नाटकात इसिसशी संबंधित 3 संशयितांना अटक : राज्यात बॉम्बस्फोटांचा होता कट, UAPA अंतर्गत गुन्हा दाखल|3 ISIS-related suspects arrested in Karnataka Bomb blast conspiracy in state, case registered under UAPA

कर्नाटकात इसिसशी संबंधित 3 संशयितांना अटक : राज्यात बॉम्बस्फोटांचा होता कट, UAPA अंतर्गत गुन्हा दाखल

वृत्तसंस्था

बंगळुरू : शिवमोग्गा पोलिसांनी कर्नाटकात तीन संशयितांना अटक केली आहे. तिघेही इसिसशी संबंधित असल्याचे पोलिसांनी सांगितले. राज्यात स्फोट घडवण्याची त्यांची योजना होती. शारिक, माजी आणि सय्यद यासीन अशी संशयितांची नावे आहेत. या तिघांविरुद्ध आयपीसी आणि बेकायदेशीर कृत्य प्रतिबंधक कायद्याच्या (यूएपीए) विविध कलमांतर्गत गुन्हा दाखल करण्यात आला आहे.3 ISIS-related suspects arrested in Karnataka Bomb blast conspiracy in state, case registered under UAPA

कर्नाटकात हिंदू-मुस्लिमांनी एकत्र साजरी केली गणेश चतुर्थी, गणपती बाप्पाचा केला जयजयकार

पोलिस म्हणाले- आरोपींनी घेतले होते स्फोटाचे प्रशिक्षण

अटक करण्यात आलेले तीन संशयित ISIS साठी काम करतात असे पोलिसांचे म्हणणे आहे. दहशतवादी संघटनेच्या सूचनेवरून ते राज्यात स्फोट घडवण्याची योजना आखत होते. त्यासाठी त्यांनी दहशतवाद्यांकडून प्रशिक्षण घेतले होते. तत्पूर्वी, पोलिसांनी त्यांना पकडले.

गृहमंत्री अरगा ज्ञानेंद्र यांनी सांगितले की, सूत्रांकडून माहिती मिळाल्यानंतर पोलिसांनी छापा टाकला. यादरम्यान पोलिसांनी ISIS या दहशतवादी संघटनेशी संबंधित दोन संशयितांना अटक केली. चौकशीनंतर पोलिसांनी तिसऱ्या आरोपीला अटक केली. तिघेही शिवमोग्गा आणि तीर्थहल्ली येथील रहिवासी असून ते मंगळुरूचे आहेत.

मीडिया रिपोर्ट्सनुसार, संघटनेचा नेता यासिन यालाही अटक करण्यात आली असून त्याची चौकशी करण्यात येत आहे. यासीन हा व्यवसायाने इलेक्ट्रिकल इंजिनिअर आहे.