Amit Shah : २२ नक्षलवाद्यांना अटक, ३३ जणांनी केले आत्मसमर्पण

By, Pravin Wankhade - April 19, 2025 03:00:40

0

अमित शाह म्हणाले, प्रत्येकाने आत्मसमर्पण करावे आणि मुख्य प्रवाहात सामील व्हावे

विशेष प्रतिनिधी

बिजापूर : Amit Shah छत्तीसगडमधील बिजापूरमध्ये २२ नक्षलवाद्यांना अटक केल्याबद्दल आणि सुकमा जिल्ह्यात ३३ नक्षलवाद्यांच्या आत्मसमर्पणाबद्दल केंद्रीय गृह आणि सहकार मंत्री अमित शहा यांनी सुरक्षा दलांचे आणि छत्तीसगड पोलिसांचे अभिनंदन केले आहे. छत्तीसगडच्या बिजापूर जिल्ह्यात विविध कारवाईत, कोब्रा कमांडो आणि छत्तीसगड पोलिसांनी २२ नक्षलवाद्यांना आधुनिक शस्त्रे आणि स्फोटक साहित्यासह अटक केली.Amit Shah

सुकमामध्ये ३३ नक्षलवाद्यांनी आत्मसमर्पण केले आणि मोदी सरकारच्या आत्मसमर्पण धोरणावर विश्वास व्यक्त केला. सुकमाच्या बडेसेट्टी पंचायतमध्ये ११ नक्षलवाद्यांनी आत्मसमर्पण केले, ती पहिली नक्षल सदस्य मुक्त पंचायत (इलवाड पंचायत) बनली. अमित शहा यांनी पुन्हा एकदा सांगितले की, ३१ मार्च २०२६ पूर्वी आपण देशाला नक्षलवादाच्या विळख्यातून मुक्त करण्याचा दृढनिश्चय केला आहे.

Devendra Fadnavis : मुख्यमंत्री देवेंद्र फडणवीस यांच्या विधानसभेतील विजयाला आव्हान!

छत्तीसगडमधील बिजापूरमध्ये २२ नक्षलवाद्यांच्या अटकेबद्दल आणि सुकमा जिल्ह्यात ३३ नक्षलवाद्यांच्या आत्मसमर्पणाबद्दल केंद्रीय गृह आणि सहकार मंत्री अमित शहा यांनी ‘एक्स’ वरील पोस्टमध्ये म्हटले आहे की, छत्तीसगडमधील बिजापूर जिल्ह्यात विविध कारवायांमध्ये कोब्रा कमांडो आणि छत्तीसगड पोलिसांनी २२ कुख्यात नक्षलवाद्यांना आधुनिक शस्त्रे आणि स्फोटक साहित्यासह अटक केली आहे. तसेच ते म्हणाले की, सुकमामध्ये आत्मसमर्पण करून ३३ नक्षलवाद्यांनी मोदी सरकारच्या आत्मसमर्पण धोरणावर विश्वास व्यक्त केला आहे.

अमित शाह म्हणाले की, सुकमाच्या बडेसेट्टी पंचायतीत 11 नक्षलवाद्यांनी आत्मसमर्पण केल्याने ही पहिली नक्षलवाद मुक्त पंचायत (इलवाड पंचायत) बनली आहे. तसेच, सुकमामध्ये २२ इतर नक्षलवाद्यांनी आत्मसमर्पण केले, त्यामुळे एकूण आत्मसमर्पण करणाऱ्यांची संख्या ३३ झाली आहे.

गृहमंत्र्यांनी लपून बसलेल्या नक्षलवाद्यांना मोदी सरकारच्या आत्मसमर्पणाच्या धोरणाचा अवलंब करून शस्त्रे टाकून शक्य तितक्या लवकर मुख्य प्रवाहात सामील होण्याचे आवाहन केले. ते म्हणाले की, ३१ मार्च २०२६ पूर्वी आपण देशाला नक्षलवादाच्या विळख्यातून मुक्त करण्याचा दृढनिश्चय केला आहे. नक्षलमुक्त भारत मोहिमेच्या या यशाबद्दल गृहमंत्र्यांनी सुरक्षा दलाचे कर्मचारी आणि छत्तीसगड पोलिसांचे अभिनंदन केले.