मालेगाव बॉम्बस्फोट : योगींचे नाव घेण्यासाठी एटीएसचा साक्षीदारावर दबाव; आमदार मुफ्तींनी संबंध लावला यूपी निवडणुकीशी!!

By, Pravin Wankhade - December 28, 2021 08:10:56

0

वृत्तसंस्था

मुंबई : मालेगाव बॉम्बस्फोट प्रकरणाला एका साक्षीदाराच्या साक्ष फिरण्याने वेगळे वळण लागले आहे. 2008 Malegaon blast case | A witness tells Special NIA court that he was tortured by ATS, the then probe agency of the case

उत्तर प्रदेशचे विद्यमान मुख्यमंत्री योगी आदित्यनाथ आणि राष्ट्रीय स्वयंसेवक संघाच्या चार लोकांचा मालेगाव बॉम्बस्फोटाशी संबंध आहे, असे माझ्याकडून महाराष्ट्र एटीएसच्या अधिकाऱ्यांनी दबाव आणून वदवून घेतले, असे एका साक्षीदाराने कोर्टात आज सांगितले.

Now with upcoming elections in 5 states, bringing a witness after 13-14 years to claim that they were forced to falsely name Yogi Adityanath & other RSS members seems like politics & far from the truth: AMIM MLA Mufti Mohammad Ismail A. Khalique, on 2008 Malegaon blast case pic.twitter.com/P2smT6d9PM

— ANI (@ANI) December 28, 2021

यावरून मालेगावात मोठे राजकारण सुरू झाले असून मालेगावचे एआयएमआयएमचे आमदार मुफ्ती मोहम्मद इस्माईल खालिक यांनी साक्षीदाराच्या वक्तव्याचा संबंध उत्तर प्रदेश निवडणुकीशी जोडला आहे.

साक्षीदाराने दिलेल्या वक्तव्या संदर्भात बोलताना मुफ्ती म्हणाले, की 2008 मध्ये घडलेल्या प्रकरणात 13 – 14 वर्षांनंतर एखाद्या साक्षीदाराने साक्षी फिरवणे आणि योगी आदित्यनाथ यांचे नाव घेण्यासाठी माझ्यावर दबाव होता, असे सांगणे हा सगळा राजकीय बनाव आहे. येत्या दोन महिन्यांमध्ये उत्तर प्रदेशमध्ये निवडणुका होणार आहेत. या पार्श्वभूमीवर हा बनाव रचण्यात आला आहे. निवडणुका नसत्या तर या पद्धतीची साक्ष फिरवण्याचे प्रकार घडले नसते, असा दावा देखील आमदार मुफ्ती मोहम्मद इस्माईल खलीक यांनी केला आहे.