वृत्तसंस्था
नवी दिल्ली : Delhi elections मंगळवारी रात्री काँग्रेसने दिल्ली विधानसभा निवडणुकीसाठी 16 उमेदवारांची चौथी यादी जाहीर केली. या यादीत 4 महिला आणि 2 अनुसूचित जाती उमेदवारांची नावे आहेत. गोकलपूर मतदारसंघातील उमेदवार बदलण्यात आला आहे. पक्षाने आतापर्यंत 63 नावांची घोषणा केली आहे. आता 7 जागांसाठी उमेदवार जाहीर व्हायचे आहेत. काँग्रेसच्या केंद्रीय निवडणूक समितीची (CEC) काल दिल्लीत बैठक झाली.Delhi elections
दुसऱ्या यादीत 26 उमेदवारांची घोषणा
24 डिसेंबर रोजी काँग्रेसने दुसरी यादी जाहीर केली होती. त्यात 26 नावे आहेत. जंगपुरा जागेवर फरहाद सूरी यांना तिकीट देण्यात आले आहे. आपचे मनीष सिसोदिया येथून निवडणूक लढवत आहेत. तर बाबरपूर मतदारसंघातून हाजी मोहम्मद इशराक खान यांना आपचे गोपाल राय यांच्या विरोधात उभे केले आहे.
शकूर बस्तीमधून सत्येंद्र जैन यांच्या विरोधात सतीश लुथरा, मेहरौलीमधून नरेश यादव यांच्या विरोधात पुष्पा सिंह यांना तिकीट देण्यात आले आहे. कैलाश गेहलोत हे मेहरौली मतदारसंघाचे आमदार होते. कैलाश यांनी आप सोडून भाजपमध्ये प्रवेश केला आहे.
तिसऱ्या यादीत अलका लांबा यांचे नाव
3 जानेवारी 2025 रोजी काँग्रेसने उमेदवार जाहीर केला. यामध्ये कालकाजी विधानसभेतून सीएम आतिशी यांच्या विरोधात अलका लांबा यांना उमेदवारी देण्यात आली होती. अलका आणि आतिशी या दोघांनीही आज 14 जानेवारी रोजी अर्ज भरले आहेत.
दिल्लीत 5 फेब्रुवारीला मतदान, 8 फेब्रुवारीला निकाल
निवडणूक आयोगाने 7 जानेवारीला दिल्ली विधानसभा निवडणुकीची घोषणा केली होती. दिल्लीतील सर्व 70 जागांवर एकाच टप्प्यात 5 फेब्रुवारीला मतदान होणार आहे. 8 फेब्रुवारीला निकाल लागणार आहे. निवडणूक प्रक्रिया पूर्ण होण्यासाठी तारखा जाहीर झाल्यापासून सुमारे 35 दिवस लागतील, म्हणजे 10 फेब्रुवारीपर्यंत.
दीड तासाच्या पत्रकार परिषदेत सीईसी राजीव कुमार यांनी दिल्ली निवडणुकीवर केवळ 10 मिनिटे भाषण केले. तासाभराहून अधिक काळ त्यांनी ईव्हीएम, मतदार यादीतील अनियमितता, विशिष्ट वर्गातील मतदारांची नावे वगळणे अशा विरोधकांच्या आरोपांना उत्तर दिले.
To be published, comments must be reviewed by the administrator.*
Our website uses cookies to improve your experience. Learn more
Download App