दिल्लीतील प्रौढ महिलांना दरमहा 1,000 रुपये, अर्थसंकल्पात आपच्या अर्थमंत्र्यांची घोषणा|1,000 per month to adult women in Delhi, announced by AAP Finance Minister in Budget

दिल्लीतील प्रौढ महिलांना दरमहा 1,000 रुपये, अर्थसंकल्पात आपच्या अर्थमंत्र्यांची घोषणा

वृत्तसंस्था

नवी दिल्ली : दिल्लीच्या अर्थमंत्री आतिशी मार्लेना यांनी सोमवारी (4 मार्च) 2024-25 या वर्षासाठी 76,000 कोटी रुपयांचा अर्थसंकल्प सादर केला. आतिशींनी अर्थसंकल्पात 18 वर्षांवरील महिलांना दरमहा एक हजार रुपये देण्याची घोषणा केली आहे. यासाठी सरकारने महिला सन्मान योजना आणली आहे.1,000 per month to adult women in Delhi, announced by AAP Finance Minister in Budget

विधानसभेत अर्थसंकल्पादरम्यान आपल्या भाषणात आतिशी म्हणाल्या, “आतापर्यंत श्रीमंताचे मूल श्रीमंत व्हायचे, गरिबांचे मूल गरीबच राहिले. हे रामराज्याच्या संकल्पनेच्या विरोधात होते. केजरीवाल सरकारने यात बदल केला आहे. आज मजुरांची मुलेही व्यवस्थापकीय संचालक होत आहेत.

दिल्लीतील जाखिराजवळ भीषण रेल्वे अपघात ; 10 बोगी रुळावरून घसरल्या बचावकार्य सुरू

आतिशी म्हणाल्या, “या सभागृहात उपस्थित असलेले सर्व लोक प्रभू रामापासून प्रेरित आहेत. रामराज्याचे स्वप्न पूर्ण करण्यासाठी आम्ही गेल्या 9 वर्षांपासून अहोरात्र मेहनत घेत आहोत. आम्ही दिल्लीतील लोकांना समृद्धी देण्याचा प्रयत्न केला आहे. अजून खूप काही करायचे आहे, पण गेल्या नऊ वर्षांत आम्ही खूप काही केले आहे.

आतिशी म्हणाल्या, “केजरीवाल सरकारने जुन्या गोष्टी बदलल्या आहेत. आता मजुरांची मुले दिल्लीत व्यवस्थापकीय संचालक बनत आहेत. केजरीवाल सरकारी शाळांमध्ये शिकणाऱ्या 2121 मुलांनी जेईई आणि एनईईटी परीक्षा उत्तीर्ण केल्या. शिक्षणाला आमच्या सरकारचे प्राधान्य आहे. 2015 मध्ये आम्ही शैक्षणिक बजेटमध्ये दुप्पट वाढ केली. आम्ही आमच्या बजेटचा एक चतुर्थांश खर्च फक्त शिक्षणावर केला आहे. यावर्षी आम्ही शिक्षणासाठी 16,396 कोटी रुपयांचे बजेट ठेवले आहे.

दिल्लीच्या अर्थमंत्री म्हणाल्या, “दिल्लीचा GSDP 2014 मध्ये 4.95 लाख कोटी होता आणि गेल्या 10 वर्षात तो जवळपास अडीच पटीने वाढून 11.08 लाख कोटी झाला आहे. 2014 मध्ये दरडोई उत्पन्न वार्षिक 2.47 लाख होते ते आता 4.62 लाख झाले आहे. आम्ही केजरीवाल सरकारचा 10वा अर्थसंकल्पच सादर केला नाही तर 10 वर्षात दिल्लीचे बदलते चित्रही मांडले आहे.