NewsClick प्रकरणी प्रबीर-अमित यांना 10 दिवसांची न्यायालयीन कोठडी; परदेशातून निधी, UAPA अंतर्गत अटक|10-day judicial custody to Prabir-Amit in NewsClick case; Funding from abroad, arrest under UAPA

NewsClick प्रकरणी प्रबीर-अमित यांना 10 दिवसांची न्यायालयीन कोठडी; परदेशातून निधी, UAPA अंतर्गत अटक

वृत्तसंस्था

नवी दिल्ली : दिल्ली न्यायालयाने मंगळवारी (10 ऑक्टोबर) न्यूजक्लिकचे संस्थापक प्रबीर पुरकायस्थ आणि एचआर प्रमुख अमित चक्रवर्ती यांना 10 दिवसांची न्यायालयीन कोठडी सुनावली. यापूर्वी 9 ऑक्टोबर रोजी न्यायालयाने त्यांच्या याचिकेवरील निर्णय राखून ठेवला होता.10-day judicial custody to Prabir-Amit in NewsClick case; Funding from abroad, arrest under UAPA

दिल्ली पोलिसांनी या दोघांनाही दहशतवाद विरोधी कायदा UAPA अंतर्गत अटक केली आहे. चीनचा प्रचार करण्यासाठी चीनकडून पैसे घेतल्याचा आरोप त्यांच्यावर आहे.

Liquor Policy Case: ‘आप’ नेते मनीष सिसोदिया यांना दिलासा नाही, न्यायालयीन कोठडी १ जूनपर्यंत वाढवली

दोघांनाही दुपारी अडीच वाजता अतिरिक्त सत्र न्यायाधीश हरदीप कौर यांच्यासमोर हजर करण्यात आले. फिर्यादी पक्षाने दोघांना 10 दिवसांची न्यायालयीन कोठडी देण्याची मागणी केली, त्याला पुरकायस्थ यांच्या वकिलाने विरोध केला. विशेष सरकारी वकील अतुल श्रीवास्तव यांनी सांगितले की, याप्रकरणी अद्याप पुरावे गोळा करण्याचे काम सुरू आहे. त्यामुळेच कोठडीची मागणी करण्यात आली आहे.

प्रबीर आणि अमित यांनी त्यांच्या अटकेला आणि पोलिस कोठडीला उच्च न्यायालयात आव्हान दिले आहे.

हायकोर्टाने सोमवारी निर्णय राखून ठेवला होता

प्रबीर आणि अमित यांच्या वकिलांनी सोमवारी हायकोर्टात सांगितले की, अनेक कायदेशीर कारणांमुळे माझ्या अशिलाची अटक आणि रिमांड टिकू शकत नाही. अटकेदरम्यान पोलिसांनी त्यांना कारण सांगितले नाही. ट्रायल कोर्टात प्रबीर आणि अमित यांच्या वकिलांच्या अनुपस्थितीत रिमांडचा आदेश देण्यात आला.

यावर सॉलिसिटर जनरल तुषार मेहता म्हणाले होते की, हे प्रकरण गंभीर गुन्ह्यांशी संबंधित आहे. यूएपीए नियमांनुसार त्याला अटक करण्यात आली होती. दोन्ही पक्षांचा युक्तिवाद ऐकल्यानंतर न्यायमूर्ती तुषारराव गेडाला यांनी निर्णय राखून ठेवला होता.