पंतप्रधान नरेंद्र मोदी आजपासून दोन दिवसांच्या फ्रान्स दौऱ्यावर; असा असणार दौरा! Prime Minister Narendra Modi on a two day visit to France from today

पंतप्रधान नरेंद्र मोदी आजपासून दोन दिवसांच्या फ्रान्स दौऱ्यावर; असा असणार दौरा!

फ्रान्सच्या राष्ट्रीय दिनाच्या बॅस्टिल डे परेडमध्ये विशेष अतिथी म्हणून उपस्थित राहणार

विशेष प्रतिनिधी

नवी दिल्ली : पंतप्रधान नरेंद्र मोदी आजपासून दोन दिवसांच्या फ्रान्स दौऱ्यावर जाणार आहेत. 14 जुलै रोजी साजऱ्या होणाऱ्या फ्रान्सच्या राष्ट्रीय दिनाच्या बॅस्टिल डे परेडमध्ये ते विशेष अतिथी म्हणून उपस्थित राहतील. या सोहळ्यात भारतीय सशस्त्र दलाच्या तिन्ही तुकड्याही सहभागी होणार आहेत. Prime Minister Narendra Modi on a two day visit to France from today

तत्पूर्वी आज, फ्रान्सच्या राष्ट्राध्यक्षांची भेट घेण्याव्यतिरिक्त ते पॅरिसमध्ये रात्री ११ वाजता भारतीय समुदायाला संबोधित करतील. त्यावेळी फ्रान्समध्ये संध्याकाळचे 4.30 वाजले असतील. यामध्ये मोठ्या संख्येने भारतीय वंशाचे लोक सहभागी होण्याची शक्यता आहे. फ्रान्सच्या राष्ट्राध्यक्षांच्या निमंत्रणावरून पंतप्रधान मोदींचा हा दौरा होत आहे.

#WATCH | PM Narendra Modi departs from Delhi Airport for Paris. pic.twitter.com/7KLi6y5efm

— ANI (@ANI) July 13, 2023

पंतप्रधान मोदी आणि फ्रान्सचे राष्ट्राध्यक्ष यांच्यात आज द्विपक्षीय बैठक होण्याची शक्यता आहे. यासोबतच संरक्षण आणि अंतराळ क्षेत्रातील सहकार्यावरही दोन्ही देश चर्चा करू शकतात. भारत आणि फ्रान्समध्ये संरक्षण क्षेत्रातही अनेक महत्त्वाचे करार होणे अपेक्षित आहे. भारत आणि फ्रान्स यांच्या सामरिक भागीदारीला 25 वर्षे पूर्ण झाली आहेत. भारत आणि फ्रान्स यांच्यातील धोरणात्मक भागीदारी 1998 मध्ये सुरू झाली.