AARYAN KHAN Cruise Drug Party : ड्रग्ज प्रकरणात आणखी दोघांना अटक; न्यायालयापुढे करणार हजर । Two more arrested in drug case; Will appear before the court

AARYAN KHAN Cruise Drug Party : ड्रग्ज प्रकरणात आणखी दोघांना अटक; न्यायालयापुढे करणार हजर

मुंबईतील गोरेगाव परिसरात एनसीबीची धाड : एकाला जहाजावरील कारवाईवेळीच घेतलं होतं ताब्यात

विशेष प्रतिनिधी

मुंबई : एनसीबीने उघडकीस आणलेल्या क्रूझ जहाजावरील रेव्ह पार्टी प्रकरणात आता आणखी दोन जणांना अटक कऱण्यात आली आहे. एनसीबीने सोमवारी रात्री ही कारवाई केली. यात पार्टीत सहभागी झालेल्या व्यक्तीसह ड्रग्ज पेडलकरचा समावेश आहे. Two more arrested in drug case; Will appear before the court

Cruise ship raid case | Mumbai Narcotics Control Bureau has arrested two persons- one person who was detained during a raid on the cruise ship for the second day yesterday and a drug peddler from the Jogeshwari area; both arrested persons to be produced before court today

— ANI (@ANI) October 5, 2021

मुंबई अंमली पदार्थ विरोधी पथकाने कॉर्डेलिया क्रूझ जहाजावर सुरू असलेल्या रेव्ह पार्टीवर 2 ऑक्टोबर रोजी धाड टाकली होती. या कारवाईत एनसीबीने आठ जणांना अटक केली होती. तर काही जणांना ताब्यात घेतलं होतं.

या प्रकरणात आता आणखी दोघांना अटक करण्यात आली आहे. एनसीबीच्या पथकाने सोमवारी ही कारवाई केली. यातील एकाला क्रूझवरील कारवाईवेळी ताब्यात घेण्यात आलं होतं. तर दुसरा आरोपी ड्रग्ज पेडलर असून त्याला जोगेश्वर परिसरातून अटक करण्यात आली आहे.

एनसीबीने जोगेश्वरी परिसरात धाड टाकली होती. यावेळी ड्रग्ज पेडलरला अटक करण्यात आली. त्याच्याजवळ मेफेड्रोन ड्रग्ज सापडले. एनसीबीने दिलेल्या माहितीनुसार अटक करण्यात आलेल्या दोघांना आज (5 ऑक्टोबर) न्यायालयापुढे हजर केलं जाणार आहे.

एनसीबीने रेव्ह पार्टीचा पर्दाफाश केल्यानंतर आठ जणांना चौकशीसाठी ताब्यात घेतलं होतं. यात अभिनेता शाहरुख खानचा मुलगा आर्यन खानचाही समावेश होता. चौकशी आणि वैद्यकीय चाचणी केल्यानंतर एनसीबीने आठ जणांवर अटकेची कारवाई केली.