पवारांना आलेल्या धमकीची मुख्यमंत्र्यांकडून दखल; औरंगजेबाचे उदात्तीकरण करून कायदा - सुव्यवस्था बिघडवणाऱ्यांनाही इशारा The Chief Minister took notice of the threat to Pawar

पवारांना आलेल्या धमकीची मुख्यमंत्र्यांकडून दखल; औरंगजेबाचे उदात्तीकरण करून कायदा – सुव्यवस्था बिघडवणाऱ्यांनाही इशारा

प्रतिनिधी

मुंबई : राष्ट्रवादी काँग्रेसचे अध्यक्ष शरद पवार यांना जीवे मारण्याची धमकी आल्यानंतर उपमुख्यमंत्री आणि गृहमंत्री देवेंद्र फडणवीस यांनी त्या संदर्भात कठोर कायदेशीर कारवाई करण्याचे आदेश दिले आहेत. पण त्यानंतर मुख्यमंत्री एकनाथ शिंदे यांनी देखील या घटनेची गंभीर दखल घेऊन वरिष्ठ पोलीस अधिकाऱ्यांना शरद पवारांच्या सुरक्षेसंबंधी सूचना दिल्या आहेत. The Chief Minister took notice of the threat to Pawar

त्याच वेळी ट्विटर वरून त्यांनी ठाकरे गटाला ही इशारा दिला आहे.

मुख्यमंत्र्यांचे ट्विट असे :

ज्येष्ठ नेते शरद पवार यांना ट्विटरवरुन आलेल्या धमकीची सरकारने गंभीर दखल घेतली असून वरिष्ठ पोलिस अधिकाऱ्यांशी मी स्वतः बोललो आहे, तपासाच्या सूचना दिल्या आहेत.

शरद पवार हे ज्येष्ठ नेते असून, त्यांच्याबदल आम्हा सर्वांनाच आदर आहे. त्यांच्या सुरक्षेची संपूर्ण काळजी घेतली जाईल. आवश्यकता असल्यास सुरक्षा व्यवस्थेत वाढही करण्याच्या सूचना पोलिसांना दिल्या आहेत. गेल्या काही दिवसांपासून महाराष्ट्रातले वातावरण बिघडण्याचा जाणीवपूर्वक प्रयत्न काही लोकांकडून सुरु आहे.

ज्येष्ठ नेते शरद पवार यांना ट्विटरवरुन आलेल्या धमकीची सरकारने गंभीर दखल घेतली असून वरिष्ठ पोलिस अधिकाऱ्यांशी मी स्वतः बोललो आहे, तपासाच्या सूचना दिल्या आहेत. @PawarSpeaks हे ज्येष्ठ नेते असून, त्यांच्याबदल आम्हा सर्वांनाच आदर आहे. त्यांच्या सुरक्षेची संपूर्ण काळजी घेतली जाईल.…

— Eknath Shinde – एकनाथ शिंदे (@mieknathshinde) June 9, 2023

सर्वोच्च न्यायालयाचा निकाल आल्यापासून काही लोक बिथरले आहेत, त्यातून महाराष्ट्रातले वातावरण बिघडवण्याचे प्रयत्न सुरु आहेत. औरंगजेब, टिपू सुलतानाचे उदात्तीकरण करुन धार्मिक तणाव निर्माण करण्याचे प्रयत्न केले जात आहेत. हे प्रयत्न यशस्वी होऊ देणार नाही. आपल्या राजकारणासाठी महाराष्ट्रातली कायदा व सुव्यवस्था बिघडविण्याचे कारस्थान हाणून पाडले जाईल.