मुख्यमंत्री ममता यांच्या समर्थनार्थ उतरले शरद पवार, म्हणाले- राजकीय सूडापोटी CBI-EDचा भाजपकडून वापर सुरू


राष्ट्रवादी काँग्रेस पक्षाचे (NCP) अध्यक्ष शरद पवार यांनी मंगळवारी पश्चिम बंगालच्या मुख्यमंत्री ममता बॅनर्जी यांनी केंद्रीय तपास यंत्रणांच्या कथित गैरवापराच्या मुद्द्यावरून भाजपविरुद्धच्या लढाईसंबंधी केलेल्या आवाहनाचे समर्थन केले. सीबीआय, ईडी यांसारख्या केंद्रीय एजन्सींचा राजकीय सूडासाठी वापर केल्याचा मुद्दा त्यांनी संसदेत उपस्थित केला.Sharad Pawar, who came out in support of Chief Minister Mamata, said that BJP is using CBI-ED for political revenge


वृत्तसंस्था

मुंबई : राष्ट्रवादी काँग्रेस पक्षाचे (NCP) अध्यक्ष शरद पवार यांनी मंगळवारी पश्चिम बंगालच्या मुख्यमंत्री ममता बॅनर्जी यांनी केंद्रीय तपास यंत्रणांच्या कथित गैरवापराच्या मुद्द्यावरून भाजपविरुद्धच्या लढाईसंबंधी केलेल्या आवाहनाचे समर्थन केले. सीबीआय, ईडी यांसारख्या केंद्रीय एजन्सींचा राजकीय सूडासाठी वापर केल्याचा मुद्दा त्यांनी संसदेत उपस्थित केला.

केंद्रीय तपास यंत्रणांच्या कथित वापराबाबत मुख्यमंत्री ममता बॅनर्जी यांनी भाजपेतर मुख्यमंत्री आणि विरोधी पक्षांच्या नेत्यांना पत्र लिहिले आहे. याबाबत विचारण्यात आलेल्या प्रश्नावर शरद पवार म्हणाले की, “आम्ही उद्या संसदेत हा मुद्दा मांडू. याप्रकरणी एकत्र काय करता येईल ते बघू.”



याआधी राष्ट्रवादीच्या राष्ट्रीय कार्यकारिणीच्या बैठकीत शरद पवार यांनी भाजपवर राजकीय सूडबुद्धीतून केंद्रीय तपास यंत्रणांच्या माध्यमातून विरोधी नेत्यांना लक्ष्य केल्याचा आरोप केला. आपल्या पक्षाचे नेते नवाब मलिका आणि अनिल देशमुख यांच्यावर झालेल्या कारवाईबाबत ते म्हणाले, “आज सत्तेत असलेल्यांना असे वाटते की जे आपल्या विचारसरणीचे नाहीत ते आपले शत्रू आहेत. सीबीआय आणि ईडीचे छापे आता सामान्य झाले आहेत आणि त्याचा वापर केला जात आहे. राजकीय सूडापोटी राजकीय विरोधकांना त्रास दिला जातोय.”

शरद पवार म्हणाले, “राष्ट्रवादी काँग्रेस, काँग्रेस आणि शिवसेनेच्या प्रत्येक नेत्याच्या विरोधात काहीतरी सुरू आहे. पंतप्रधान नरेंद्र मोदी यांच्या मनात एकच गोष्ट आहे. जनतेची इच्छा काहीही असो, त्यांना काश्मीरपासून कन्याकुमारीपर्यंत भाजपची सत्ता हवी आहे.”

Sharad Pawar, who came out in support of Chief Minister Mamata, said that BJP is using CBI-ED for political revenge

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    देशातील सर्वात स्वस्त इलेक्ट्रिक कार झाली लाँच : टाटा टियागो EV अवघ्या 8.49 लाखांपासून; एका चार्जवर 315 किमी वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती