राज्यात लाचखोरीत महसूल, पोलिस खाते अव्वल; गेल्या वर्षीच्या तुलनेत भ्रष्टाचार १६ टक्के वाढला|revenue and police department tops in Bribery in the state, ; Corruption has increased by 16 per cent over last year

राज्यात लाचखोरीत महसूल, पोलिस खाते अव्वल; गेल्या वर्षीच्या तुलनेत भ्रष्टाचार १६ टक्के वाढला

वृत्तसंस्था

मुंबई : राज्यात गेल्या वर्षीच्या तुलनेत भ्रष्टाचारात १६ टक्के वाढ झाल्याची माहिती महाराष्ट्र लाचलुचपत प्रतिबंधक विभागाने (ACB) दिली आहे. लाचखोरीत महसूल आणि पोलिस विभाग अव्वल असल्याचे आकडेवारीतून स्पष्ट होत आहे.revenue and police department tops in Bribery in the state, ; Corruption has increased by 16 per cent over last year

महाराष्ट्र लाचलुचपत प्रतिबंधक विभागाच्या आकडेवारीनुसार २०२० मध्ये नोंदवलेल्या प्रकरणांच्या तुलनेत २०२१ मध्ये राज्यातील भ्रष्टाचाराशी संबंधित प्रकरणांमध्ये १६ टक्क्यांहून अधिक वाढ झाली आहे. सरकारी अधिकार्‍यांविरुद्ध सापळ्याची प्रकरणे वाढली आहेत, तर बेहिशोबी मालमत्ता (डीपीए) प्रकरणांमध्ये घट झाली आहे, असे आकडेवारीतून स्पष्ट होत आहे.

WATCH : राज्यात अपहरणाच्या घटना वाढतायत माय बापांनी कुणाकडे बघायचे- चित्रा वाघ

भ्रष्टाचाराशी संबंधित प्रकरणांमध्ये महसूल आणि पोलिस पहिल्या दोन स्थानांवर आहेत. एसीबीच्या म्हणण्यानुसार, २०२०मध्ये ६६३ तर गेल्या वर्षी भ्रष्टाचाराशी संबंधित ७७३ प्रकरणांची नोंद झाली होती. ६३० प्रकरणांच्या तुलनेत गेल्या वर्षी ७६४ सापळ्याची प्रकरणे नोंदवण्यात आली होती.

बेहिशोबी मालमत्ताची (डीपीए) सात प्रकरणे नोंदवण्यात आली होती. २०२० मध्ये १२ प्रकरणांची नोंद झाली होती.लाचखोरीमध्ये महापालिकेच्या अधिकाऱ्यांनी ७०.५० लाख रुपये, त्यानंतर ५७.७४ लाख रुपयांची लाच पोलिस अधिकाऱ्यांनी आणि ३६.८२ लाख रुपये महसूल विभागाच्या अधिकाऱ्यांनी घेतली होती.