लॉकडाऊनमध्येही राज कुंद्राला मिळाले गुगल, ॲपलकडून भरभक्कम उत्पन्न

By, Vishal Joshi - July 28, 2021 10:20:51

0

विशेष प्रतिनिधी

मुंबई : उद्योगपती राज कुंद्राने सुरू केलेल्या ‘हॉटशॉट’ या अॅप्लिकेशनचे आर्थिक उत्पन्न हे प्रामुख्याने अॅपल आणि गुगलकडून येत होते. लॉकडाऊनच्या काळातही या अॅप्लिकेशनने तीन महिन्यांत दीड लाख डॉलर्सची म्हणजे तब्बल एक कोटी १७ लाखांची कमाई केली. Raj kundra get money in lockdown too

मुंबई पोलिसांनी राज कुंद्रासह त्याच्या घराची झडती घेतली. या प्रकरणात कुंद्राची पत्नी आणि अभिनेत्री शिल्पा शेट्टीचीही चौकशी केली होती. त्याच्या घरात पोलिसांना नऊ फायलींसह काही इलेकट्रॉनिक पुरावेदेखील सापडले आहेत. त्याची फॉरेन्सिक ऑडिटरकडून तपासणी केली जात आहे.

राज कुंद्राचे हॉटशॉटसच नव्हते तर बालाजी टेलिफिल्मस, व्हुट, एमएक्स प्लेअर, उल्लू, कोकू, देसीफिक्स, प्राईमफ्लिक्स, गुपचूप, फ्लिझमोव्हवरही अश्लिल व्हिडीओ, आशिष शेलार यांचे अमित शहा यांना पत्र

‘हॉटशॉट’ ॲप्लिकेशनसाठी काम करणाऱ्या साक्षीदार महिलेने दिलेल्या जबाबानुसार हॉटशॉटचे उत्पन्न हे प्रामुख्याने अॅपल आणि गुगलकडून येत होते. तसेच लॉकडाऊनमध्ये अन्य उद्योगधंद्यांवर परिणाम झाला असतानाही हॉटशॉट कंपनीने ऑगस्ट ते डिसेंबर २०२० या कालावधीत एक कोटी १७ लाख रुपयांची कमाई केली होती, परंतु पुढे गुगलने ‘हॉटशॉट’चे खाते बंद केल्याचे आरोपी रेयान थॉर्पने जबाबात सांगितले. मुंबई पोलिसांनी गुगलकडे ‘हॉटशॉट’च्या उत्पन्नाविषयी माहिती देण्याबाबत मागणी केल्याचे पोलिस अधिकाऱ्यांनी सांगितले.