भुजबळ व कांदे यांच्यात उडाली शाब्दिक चकमक; पुरग्रस्ताच्या आपत्कालीन निधीवरून 'तू तू मैं मैं' । Literally flickered Between Bhujbal and Kande on Relif fund

भुजबळ व कांदे यांच्यात उडाली शाब्दिक चकमक; पुरग्रस्ताच्या आपत्कालीन निधीवरून ‘तू तू मैं मैं’

विशेष प्रतिनिधी

नांदगाव : येथे आयोजित आढावा बैठकीमध्ये नाशिकचे पालकमंत्री छगन भुजबळ व शिवसेनेचे आमदार सुहास कांदे यांच्यात शाब्दिक चकमक उडाली. पश्चिम महाराष्ट्रात पूरग्रस्तांना तातडीने आपत्कालीन निधी दिला जातो. मग उत्तर महाराष्ट्र यापासून वंचित का आहे? तातडीने निधी जाहीर करा, अशी मागणी सुहास कांदे यांनी केली. यावरून भुजबळ आणि कांदे यांच्या शाब्दिक चकमक उडाली. दोघांमध्ये या मुद्यावरून भर बैठकीत ‘तू तू मैं मैं’ झाली. Literally flickered Between Bhujbal and Kande on Relif fund

पूर्वाश्रमीचे शिवसेनेचे नेते आणि सध्याचे राष्ट्रवादीचे असलेले छगन भुजबळ आणि शिवसेनेचे आमदार सुहास कांदे यांच्या रागाचा पारा यावेळी चढलेला होता. पुरप्रश्न आणि निधी यावरून जुंपलेली वादावादी दोन्ही नेत्यांच्या अडेलतट्टू भूमिकेवरून तसूभरही पुढे सुरु राहिली नाही. पण, आपत्तीचा सामना करणारी जनता मात्र अजूनही मदतीच्या प्रतीक्षेत आहे.