मुंबईत दुकानांच्या पाट्या मराठीत नसल्यास 8 दिवसांत कायद्याचा बडगा!!; महापालिकेचे आदेश

प्रतिनिधी

मुंबई : मुंबई महानगरातील दुकाने आणि आस्थापना यांच्यावर मराठी पाट्या लावल्या नाहीत तर मुंबई महापालिका कायद्याचा बडगा उगाणार आहे. महापालिका अधिनियमातील तरतुदीनुसार पूर्तता करण्यासाठी मंगळवार ३१ मे २०२२पर्यंत मुदत देण्यात आली होती. या पूर्ततेचा आढावा घेण्यासाठी येत्या ८ ते १० दिवसात सर्वेक्षण केले जाणार असून त्यानंतर आवश्यक ती प्रशासकीय तसेच न्यायालयीन कारवाई करण्यात येणार असल्याचे महापालिका प्रशासनाने स्पष्ट केले.If shop signs in Mumbai are not in Marathi, the law will be broken in 8 days !!; Municipal orders

BMC Elections : मुंबईत महापालिकेचे “सर्वांसाठी पाणी”; पण रस्ते, फुटपाथवरील झोपड्यांना वगळून!!

कायदेशीर कारवाई

मुंबईत मराठी नामफलकासाठी मद्य विक्रीची दुकाने आणि बार तसेच इतर दुकाने आणि आस्थापनांना मराठी नामफलकाबाबत अधिनियमातील तरतुदीनुसार पूर्तता करण्यासाठी दिनांक ३१ मे २०२२ पर्यंत मुदत देण्यात आली होती. त्या अनुषंगाने येत्या ८ ते १० दिवसात मराठी नामफलकाबाबतच्या पूर्ततेची दुकाने आणि आस्थापना खाते सर्वेक्षण करून आढावा घेणार आहे.

त्यानंतर आढाव्याच्या अनुषंगाने प्रशासकीय कार्यवाही पूर्ण केली जाईल. तसेच महाराष्ट्र दुकाने व आस्थापना (नोकरीचे व सेवा शर्तींचे विनियमन) अधिनियम, २०१७ व महाराष्ट्र दुकाने व आस्थापना (नोकरीचे व सेवाशर्तींचे विनियमन) (सुधारणा) अधिनियम २०२२ च्या तरतुदीनुसार न्यायालयीन कारवाई करण्यात येईल, अशी माहिती महानगरपालिका प्रमुख अधिकारी (दुकाने व आस्थापना) सुनीता जोशी यांनी दिली आहे.