फडणवीस सरकार : माध्यमांच्या मंत्रिपदांच्या याद्यांवर विश्वास ठेवू नका; एकनाथ शिंदेंचे ट्विट!!

By, Pravin Pawar - June 30, 2022 03:24:03

0

प्रतिनिधी

मुंबई : उद्धव ठाकरे यांनी आपल्या मुख्यमंत्रिपदाचा राजीनामा दिला. त्यानंतर फडणवीस सरकारच्या पुन्हा येण्याची वाट मोकळी झाल्याची चर्चा सुरू आहे. एकनाथ शिंदे आणि भाजप एकत्र येत सरकार स्थापन करणार आहेत. आज एकनाथ शिंदे यांनी मुंबईत येऊन देवेंद्र फडणवीस यांच्याशी सागर बंगल्यावर चर्चा केली आहे. तत्पूर्वी, भाजप आणि शिवसेना शिंदे गटाचे सरकार आल्यानंतर मंत्रिमंडळ कसे असेल अशा चर्चांना उधाण आले आहे. मात्र याआधीच एकनाथ शिंदे यांनी महत्त्वाचं ट्विट करून मंत्रिपदाच्या याद्यांवर आणि अफवांवर विश्वास ठेवू नका असे आवाहन केले आहे. Don’t trust media ministerial lists; Eknath Shinde’s tweet

एकनाथ शिंदे यांचे ट्वीट

मात्र फडणवीस यांच्या आणि शिंदे यांच्या मंत्रिमंडळात कोण असणार अशी चर्चा रंगली असून मंत्रिपदं, खातेवाटप याविषयी एकनाथ शिंदेंनी ट्विट केले आहे. भाजपसोबत कोणती आणि किती मंत्रीपदे याबाबत अद्याप कोणतीही चर्चा झालेली नाही, लवकरच होईल. तोपर्यंत कृपया मंत्रिपदाच्या याद्या आणि याबाबत पसरलेल्या अफवा यावर विश्वास ठेवू नका, असे आवाहन शिंदेंनी ट्विटर वरून केले आहे.

नव्या सरकारमध्ये मंत्रिमदे वाटपाचा फॉर्म्युलाही तयार करण्यात आला आहे. प्रत्येक सहा आमदारांमागे एक कॅबिनेट आणि राज्यमंत्रिपदं देण्यात येणार असून वेळेवर बदल केला जाऊ शकतो असेही सांगितले जात आहे. तर फडणवीसांच्या मंत्रिमंडळात कशा प्रकारे मंत्रिपदं असतील, याबाबत चर्चा सुरू देखील झाल्या आहेत. मात्र याची कोणतीही अधिकृत माहिती समोर आलेली नाही.

भाजपसोबत कोणती आणि किती मंत्रीपदे याबाबत अद्याप कोणतीही चर्चा झालेली नाही, लवकरच होईल. तोपर्यंत कृपया मंत्रिपदाच्या याद्या आणि याबाबत पसरलेल्या अफवा यावर विश्वास ठेवू नका.

— Eknath Shinde – एकनाथ शिंदे (@mieknathshinde) June 30, 2022