मुख्यमंत्री ठाकरेंचे मुख्य सल्लागार सीताराम कुंटे यांचा ईडीने नोंदवला जबाब, माजी गृहमंत्री अनिल देशमुख प्रकरणाशी संबंधित प्रश्न


अंमलबजावणी संचालनालयाने मुख्यमंत्री उद्धव ठाकरे यांचे मुख्य सल्लागार तथा राज्याचे माजी मुख्य सचिव सीताराम कुंटे यांची चौकशी केली. माजी गृहमंत्री अनिल देशमुख यांच्याविरोधातील मनी लाँड्रिंग प्रकरणाच्या तपासात सहकार्य करण्यासाठी कुंटे आज सकाळी ११ वाजता ईडी कार्यालयात पोहोचले. कुंटे यांना ईडीने आतापर्यंत दोनदा समन्स बजावले आहे.Chief Minister Thackerays Chief Adviser Sitaram Kunte at ED Office, questions related to former Home Minister Anil Deshmukhs case


वृत्तसंस्था

मुंबई : अंमलबजावणी संचालनालयाने मुख्यमंत्री उद्धव ठाकरे यांचे मुख्य सल्लागार तथा राज्याचे माजी मुख्य सचिव सीताराम कुंटे यांची चौकशी केली. माजी गृहमंत्री अनिल देशमुख यांच्याविरोधातील मनी लाँड्रिंग प्रकरणाच्या तपासात सहकार्य करण्यासाठी कुंटे आज सकाळी ११ वाजता ईडी कार्यालयात पोहोचले. कुंटे यांना ईडीने आतापर्यंत दोनदा समन्स बजावले आहे.

अनिल देशमुख महाराष्ट्राचे गृहमंत्री असताना आणि त्यावेळच्या पोलीस अधिकाऱ्यांच्या बदल्या आणि पदस्थापनेच्या संदर्भात कुंटे यांचा जबाब नोंदवण्यात येत असल्याचे ईडीच्या सूत्रांनी सांगितले. यापूर्वी ईडीने गृह विभागाचे उपसचिव कैलास गायकवाड यांचा जबाबही नोंदवला आहे.



अनिल देशमुखांवर विविध कलमान्वये गुन्हे

सीबीआय एफआयआरच्या आधारे ईडीने अनिल देशमुख आणि इतरांविरुद्ध पीएमएलएच्या विविध कलमांतर्गत गुन्हा दाखल केला होता. देशमुख यांनी माजी पोलीस अधिकारी सचिन वाऱ्हे यांना शंभर कोटींच्या वसुलीचे टार्गेट दिले असून त्यांना मुंबईतील बार आणि रेस्टॉरंटमधून हे पैसे वसूल करण्यास सांगितले होते, असा आरोप आहे.

याशिवाय ईडीने तत्कालीन राज्य गुप्तचर प्रमुख रश्मी शुक्ला यांच्या गोपनीय अहवालाच्या आधारे पोलीस अधिकाऱ्यांच्या बदल्या आणि नियुक्तींमध्ये गुंतलेल्या कथित भ्रष्टाचाराची चौकशी चालवली आहे. या अहवालात फोन टॅपिंगदेखील जोडले गेले होते, ज्यात दलाल आणि इतर यांच्यातील संबंध उघड झाले होते.

रश्मी शुक्ला यांनी तत्कालीन पोलीस महासंचालक सुबोध जयस्वाल यांना अहवाल सादर केला. त्यानंतर जयस्वाल यांनी हा अहवाल गृहविभागाचे तत्कालीन अतिरिक्त मुख्य सचिव कुंटे यांच्याकडे पाठवला, जेणेकरून या अहवालाच्या आधारे काय कारवाई करावी, याबाबत मुख्यमंत्र्यांशी चर्चा करता येईल. या अहवालावर सरकारने कार्यवाही केली नाही, असा आरोप आहे, त्यानंतर शुक्ला आणि जयस्वाल यांनी केंद्र सरकारच्या प्रतिनियुक्तीचा पर्याय निवडला.

Chief Minister Thackerays Chief Adviser Sitaram Kunte at ED Office, questions related to former Home Minister Anil Deshmukhs case

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती भारत बनला 5वी सर्वात मोठी अर्थव्यवस्था