Dawood – Malik Nexus : “तुरूंगवासी मंत्री” नवाब मलिकांच्या राजीनाम्यासाठी भाजपचा धडक मोर्चा!!

By, Pravin Wankhade - March 9, 2022 03:00:06

0

प्रतिनिधी

मुंबई : अंडरवर्ल्ड डॉन दाऊद इब्राहिम यांची बहीण हसीना पारकर हिच्याशी जमीन व्यवहारात मनी लॉन्ड्रिंग करणारे राष्ट्रवादीचे प्रवक्ते मंत्री नवाब मलिक यांचा राजीनामा घेण्यासाठी अथवा त्यांना मंत्रिपदावरून काढून टाकण्यासाठी भाजपने आज मुंबईत आझाद मैदानावर भव्य मोर्चा काढला आहे.BJP’s strike for Nawab Malik’s resignation

नवाब मलिक यांना अटक केल्यानंतरही त्यांनी राजीनामा दिलेला नाही. नवाब मलिक यांचा मंत्रिपदाचा राजीनामा घेतला नाही तर विधिमंडळाचे अधिवेशन चालू देणार नाही, असा इशारा भाजपने ठाकरे – पवार सरकारला दिला होता. नवाब मलिक यांचा राजीनामा त्वरित घेण्यात यावा या मागणीसाठी भाजपच्या वतीने आज विराट मोर्चा काढण्यात येणार आहे.

देशद्रोही नवाब मलिकच्या राजीनाम्यासाठी विरोधी पक्षनेते देवेंद्र फडणवीस व प्रदेशाध्यक्ष चंद्रकांतदादा पाटील यांच्या नेतृत्वात भव्य मोर्चा. https://t.co/kooWUJpNyJ

— भाजपा महाराष्ट्र (@BJP4Maharashtra) March 9, 2022

भाजपचा धडक मोर्चा

भायखळा ते आझाद मैदान या मोर्चासाठी पोलिसांनी परवानगी नाकारल्यानंतर आता हा मोर्चा आझाद मैदान ते मेट्रो सिनेमा या भागातून सुरू झाला. नवाब मलिक राजीनामा द्या, तुरूगांतील मंत्री..पाताळयंत्री, अंडरवर्ल्ड के नवाब कौन ..जवाब दो मलिक अशाप्रकारचे बॅनर भाजपने संपूर्ण मुंबईसह आझाद मैदानात लावले आहेत. भाजपच्या मोर्चाला थोड्याच वेळात सुरूवात होणार असून, भाजपचे कार्यकर्ते मोठ्या प्रमाणात या मोर्चात सहभागी झाले आहेत.

मलिकांच्या कोठडीत वाढ

ईडीच्या विशेष न्यायालयाने नवाब मलिकांना १४ दिवसांची न्यायालयीन कोठडी सुनावली आहे. २१ मार्चपर्यंत मलिकांची न्यायालयीन कोठडीत रवानगी करण्यात आली आहे. मलिकांना २१ मार्चपर्यंत कारागृहात ठेवण्याचे निर्देश मुंबई सत्र न्यायालयातील विशेष पीएमएलए कोर्टाने दिले आहेत.