Bjp and shiv sena workers clash Near Shiv Sena Bhavan Dadar mumbai over Shri ram temple issue

मुंबईत भाजप आणि शिवसेना कार्यकर्तांमध्ये घमासान, महिलांना मारहाण केल्याचा शिवसैनिकांवर आरोप

Bjp and shiv sena workers clash : दादरच्या शिवाजी पार्क परिसरात भाजप आणि शिवसेनेच्या कार्यकर्त्यांमध्ये चकमक उडाली. शिवसेनेच्या कार्यकर्त्यांनी हल्ला केल्याचा आरोप भाजपच्या महिला कार्यकर्त्यांनी केला आहे. राम मंदिराच्या मुद्द्यावर सातत्याने टीका करणाऱ्या शिवसेनेच्या विरोधात भाजप कार्यकर्त्यांनी ‘फटकार मोर्चा’ काढला होता. Bjp and shiv sena workers clash Near Shiv Sena Bhavan Dadar mumbai over Shri ram temple issue


विशेष प्रतिनिधी

मुंबई : दादरच्या शिवाजी पार्क परिसरात भाजप आणि शिवसेनेच्या कार्यकर्त्यांमध्ये चकमक उडाली. शिवसेनेच्या कार्यकर्त्यांनी हल्ला केल्याचा आरोप भाजपच्या महिला कार्यकर्त्यांनी केला आहे. राम मंदिराच्या मुद्द्यावर सातत्याने टीका करणाऱ्या शिवसेनेच्या विरोधात भाजप कार्यकर्त्यांनी ‘फटकार मोर्चा’ काढला होता.

त्यांचा हा मोर्चा दादरमधील शिवसेना भवनासमोर पोहोचला होता. सेना भवनमध्ये शिवसेनेचे कार्यकर्ते आधीच हजर होते. बाहेर कडेकोट बंदोबस्त ठेवण्यात आला होता, परंतु तेथे भाजप कार्यकर्ते पोहोचताच शिवसेना आणि भाजपचे कार्यकर्ते एकमेकांशी भिडले.

शिवसेना भवन येथून थोड्या अंतरावर पोलिसांनी भाजप कार्यकर्त्यांना रोखून पोलीस ठाण्यात नेले आहे. दुसरीकडे शिवसेनेच्या कार्यकर्त्यांनी त्यांना मारहाण केल्याचा आरोप भाजप कार्यकर्त्यांनी केला आहे. विशेष म्हणजे, महिला कार्यकर्त्यांना लाठ्याकाठ्यांनी मारहाण करण्यात आल्याचा आरोप आहे.

पोलीस व्हॅनमध्ये जाताना शिवसैनिकांकडून मारहाण

अयोध्येत श्रीराम मंदिर बांधण्यासाठी जमीन खरेदीच्या तथाकथित घोटाळ्याबाबत शिवसेनेतर्फे सातत्याने प्रश्न उपस्थित केले जात होते. भाजपचे म्हणणे आहे की, शिवसेना मुद्दाम खोटे आरोप करत आहे. म्हणूनच भाजपने बुधवारी शिवसेनेने केलेल्या आरोपांविरोधात ‘फटकार मोर्चा’ काढला. भाजप युवा मोर्चाचे मुंबई अध्यक्ष तेजिंदरसिंग टिवाना यांच्या नेतृत्वात हा मोर्चा दादरच्या शिवाजी पार्कमध्ये असलेल्या शिवसेना भवनपासून 5 किमी अंतरावर पोहोचला असता पोलिसांनी भाजप कार्यकर्त्यांना रोखले. जेव्हा त्यांना पोलीस व्हॅनमधून नेले जात होते, त्यावेळी शिवसेना भवनसमोर असलेले आमदार सदा सरवणकर यांच्या नेतृत्वात शिवसेनेच्या कार्यकर्त्यांनी जोरदार घोषणाबाजी सुरू केली. दरम्यान, शिवसेनेच्या कार्यकर्त्यांनी मारहाण करून काही महिला भाजपा पदाधिकाऱ्यांना जखमी केल्याचा आरोप भाजप कार्यकर्त्यांनी केला आहे.

भाजपचा आरोप काय?

भाजपच्या वतीने असे सांगण्यात आले की, शिवसेना ऊर्फ ​​सोनिया सेनेने राम मंदिर बांधकामासाठी जमीन खरेदी प्रकरणात घोटाळा असल्याचा खोटा आरोप करून हिंदू धर्म, हिंदू धार्मिक स्थळ आणि हिंदूंच्या श्रद्धा यांचा अपमान केला आहे. भारतीय जनता युवा मोर्चाच्या मुंबई युनिटच्या वतीने आज त्याविरोधात ‘निषेध मोर्चा’ काढण्यात आला. हा मोर्चा दादरच्या शिवाजी पार्कमध्ये असलेल्या शिवसेना भवनासमोर होणार होता. परंतु केवळ पाच किलोमीटर अंतरावर पोलिसांनी भाजप कार्यकर्त्यांना रोखले. दरम्यान, शिवसैनिकांनी भाजप कार्यकर्त्यांना मारहाण केली आणि विशेषत: भाजपच्या महिला कार्यकर्त्यांना बेदम मारहाण केली.

शिवसेनेचे म्हणणे काय?

दुसरीकडे, शिवसेनेचे खासदार अरविंद सावंत यांनी या घटनेवर सांगितले की, ही क्रियेची प्रतिक्रिया आहे. प्रश्न येताच, उत्तर मिळेल. राम मंदिर निर्मितीसाठी जगभरातून कोट्यवधी रुपये जमा झाले आहेत. प्रभू रामचंद्र यांच्या नावावर एकही घोटाळा होऊ नये. श्रीराम जन्मभूमी तीर्थक्षेत्र ट्रस्टचे भाजपचे सदस्य आहेत. शिवसेनेचे खासदार संजय राऊत यांनी या संदर्भातील ट्रस्टकडून स्पष्टीकरणच मागितले नाही, तसेच पंतप्रधान नरेंद्र मोदी, आरएसएस सरसंघचालक मोहन भागवत आणि विश्व हिंदू परिषद यांच्याकडून हस्तक्षेप करून या संदर्भात स्पष्टीकरण देण्याची मागणी केली होती.

Bjp and shiv sena workers clash Near Shiv Sena Bhavan Dadar mumbai over Shri ram temple issue

महत्त्वाच्या बातम्या