NIA ची मोठी कारवाई, ISIS मध्ये भरती झालेल्या डॉ अदनान अलीला पुण्यातून अटक! Big operation of NIA Dr Adnan Ali who was recruited in ISIS arrested from Pune

NIA ची मोठी कारवाई, ISIS मध्ये भरती झालेल्या डॉ.अदनान अलीला पुण्यातून अटक!

घरातून दहशतवाद्यांशी संबंधित अनेक कागदपत्रे आणि इलेक्ट्रॉनिक उपकरणे जप्त

विशेष प्रतिनिधी

पुणे : राष्ट्रीय तपास यंत्रणेने (NIA) गुरुवारी पुणे जिल्ह्यातील कोंढवा परिसरात सापळा रचून ISIS मध्ये भरती झालेल्या डॉक्टरला अटक केली. अदनान अली सरकार (43) असे डॉक्टरचे नाव आहे. एनआयएने डॉ. अदनान अली सरकारच्या घरातून दहशतवाद्यांशी संबंधित अनेक कागदपत्रे आणि इलेक्ट्रॉनिक उपकरणे जप्त केली आहेत. Big operation of NIA Dr Adnan Ali who was recruited in ISIS, arrested from Pune

एनआयएच्या सूत्रांनी दिलेल्या माहितीनुसार, या प्रकरणी एजन्सीने मुंबईतून तीन आणि ठाण्यातून एकाला अटक केली आहे. तबिश नसीर सिद्दीकी, जुबेर नूर मोहम्मद शेख उर्फ अबू नुसीबा, शर्जील शेख आणि जुल्फिकार अली बरुदवाला अशी त्यांची नावे आहेत.

हे सर्वजण इस्लामिक स्टेट (IS), इस्लामिक स्टेट ऑफ इराक अँड लेव्हंट (ISIL), इस्लामिक स्टेट ऑफ इराक अँड सीरिया (ISIS), खोरासानमधील ISIS-K, ISIS इत्यादी दहशतवादी संघटनांच्या कारवायांमध्ये सामील होते.

डॉ.अदनान अली तरुणांना दहशतवादी संघटनेत सहभागी करून घेण्याचे काम करत होता. ISIS मॉडेल जनतेपर्यंत नेणे ही त्याची मुख्य जबाबदारी होती. हे मॉडेल महाराष्ट्रात आणण्यात डॉ.अदनान अली यांचा मोलाचा वाटा होता. एनआयएचे पथक या प्रकरणाची कसून चौकशी करत आहे.