Aryan khan drugs case : 'या ' दिग्दर्शकाने म्हटले बॉलीवूडचे मौन लाजिरवाणे ; आज त्याचा मुलगा आहे- उद्या तुमचा असेल...Aryan khan drugs case: 'this' director calls Bollywood's silence shameful, says - today is his son, tomorrow will be yours'

Aryan khan drugs case : ‘या ‘ दिग्दर्शकाने म्हटले बॉलीवूडचे मौन लाजिरवाणे ; आज त्याचा मुलगा आहे- उद्या तुमचा असेल…

आर्यनच्या वकिलांनी मुंबई उच्च न्यायालयात जामीन अर्ज दाखल केला आहे, ज्याची दंडाधिकारी आणि विशेष एनडीपीएस न्यायालयाने फेटाळल्यानंतर २६ ऑक्टोबर रोजी सुनावणी होणार आहे.Aryan khan drugs case: ‘this’ director calls Bollywood’s silence shameful, says – today is his son, tomorrow will be yours’

विशेष प्रतिनिधी

मुंबई : शाहरुख खानचा मुलगा आर्यन खान सध्या ड्रग्ज प्रकरणात नार्कोटिक्स कंट्रोल ब्युरोच्या ताब्यात आहे. आर्यनला एनडीपीएस कायद्याच्या विविध कलमांतर्गत अटक करण्यात आली असून त्याला २२ दिवसांपासून मुंबईतील आर्थर रोड जेलमध्ये ठेवण्यात आले आहे.

आर्यनच्या वकिलांनी मुंबई उच्च न्यायालयात जामीन अर्ज दाखल केला आहे, ज्याची दंडाधिकारी आणि विशेष एनडीपीएस न्यायालयाने फेटाळल्यानंतर २६ ऑक्टोबर रोजी सुनावणी होणार आहे. दुसरीकडे, त्याच्या चाहत्यांशिवाय काही बॉलिवूड सेलिब्रिटीही शाहरुख खानच्या समर्थनार्थ आवाज उठवत आहेत. मात्र, इंडस्ट्रीतील एक मोठा वर्ग गप्प आहे, असा सवाल आता निर्माता-दिग्दर्शक संजय गुप्ता यांनी केला आहे.

Aryan Khan drugs case : एनसीबीने अनन्या पांडेला समन्स बजावले, आज तिसऱ्यांदा केली जाईल चौकशी

सोमवारी ( आज ) संजय यांनी ट्विटरवर बॉलिवूडच्या मौनावर प्रश्नचिन्ह उपस्थित केले.संजय यांनी लिहिले – शाहरुख खानने उद्योगात हजारो लोकांना रोजगार दिला आहे आणि देत आहे. तो नेहमीच चित्रपटसृष्टीच्या पाठीशी उभा राहिला आहे. संकटाच्या या काळात चित्रपट उद्योगाचे जाणीवपूर्वक मौन हे लज्जास्पद आहे.

Shahrukh Khan has and continues to give jobs and livelihoods to thousands in the film industry.
He has always stood up for every cause for the film industry.
And the astute silence of the same film industry in his moment of crisis is nothing short of SHAMEFUL.

— Sanjay Gupta (@_SanjayGupta) October 25, 2021

दुसऱ्या ट्विटमध्ये संजय यांनी लिहिले – आज त्याचा मुलगा आहे. उद्या माझा असेल किंवा तुमचा. तरीही हा मूर्खपणा करून गप्प बसणार का?

Aaj uska beta hai, kal mera ya tumhaara hoga…
Tab bhi issi buzdalli se chup rahoge???

— Sanjay Gupta (@_SanjayGupta) October 25, 2021

आर्यन खानला एनसीबीने ३ ऑक्टोबरला अटक केली होती. त्याच्यावर प्रतिबंधित पदार्थांचे सेवन आणि खरेदी केल्याचा आरोप आहे. एनसीबीने 2 ऑक्टोबरच्या रात्री मुंबईहून गोव्याला जाणाऱ्या लक्झरी क्रूझवर छापा टाकला होता. छापेमारीनंतर आर्यनसह आठ जणांना ताब्यात घेण्यात आले, त्यांना चौकशीनंतर दुसऱ्या दिवशी अटक करण्यात आली.

आर्यनच्या अटकेपासून हे प्रकरण देशभर चर्चेचा विषय बनले आहे.सोशल मीडियातही चाहत्यांशी संबंधित प्रत्येक बातमीवर नजर असते. शाहरुखचे चाहते आर्यनला सपोर्ट करत असतानाच एनसीबीच्या या कृतीचे समर्थन करणारेही अनेकजण आहेत. आता या प्रकरणावरून राजकारणही तापले असून एनसीबीचे झोनल संचालक समीर वानखेडे यांच्या हेतूवर प्रश्नचिन्ह उपस्थित केले जात आहेत.