स्टंट सेल्फीसाठी काहीही …स्टंटच्या नादात बांद्रा-वरळी सी- लिंकच्या केबलवर चढलेल्या दोघा रशियनांना अटक

सेल्फीसाठी काहीही केवळ भारतीयच करतात असे नाही. बांद्रा- वरळी सी लिंकच्या केबलवर चढून स्टंट करत सेल्फी काढणाऱ्या दोघा रशियन नागरिकांना पोलीसांनी अटक केली आहे. अतिउंच ठिकाणांवर चढून सेल्फी काढण्याचा या दोघांना नाद आहे. Anything for stunt selfie … Two Russians arrested for climbing Bandra-Worli sea-link cable


विशेष प्रतिनिधी 

मुंबई : सेल्फीसाठी काहीही केवळ भारतीयच करतात असे नाही. बांद्रा- वरळी सी लिंकच्या केबलवर चढून स्टंट करत सेल्फी काढणाऱ्या दोघा रशियन नागरिकांना पोलीसांनी अटक केली आहे. अतिउंच ठिकाणांवर चढून सेल्फी काढण्याचा या दोघांना नाद आहे.

पोलीसांनी दिलेल्या माहितीनुसार माकसीम स्केझरबाकोव्हे आणि वासिली कोलेसेनीकोव्ह हे दोन रशियन तरुण सर्कसमध्ये काम करतात. त्याचबरोबर विविध ठिकाणच्या अतिउंच ठिकाणांवर चढून स्टंट करत फोटो काढण्याचा त्यांना नाद आहे. आपले फोटो ते सोशल मीडियावर शेअर करत असतात.



वरिष्ठ पोलीस निरिक्षक अनिल कोळी यांनी दिलेल्या माहितीनुसार, बुधवारी सायंकाळी हे दोघे टॅक्सीने बांद्रा-वरळी सी लिंकवरून चालले होते. त्यांनी ड्रायव्हरला गाडी थांबविण्यास सांगितले. उतरल्यावर त्यांनी सी लिंकच्या स्टिल केबलकडे जायला सुरूवात केली. याठिकाणी जाण्यास पादचाऱ्यांना मनाई आहे.

माकसीमने केबलला पकडून सी लिंकच्या पिलरवर चढायला सुरूवात केली. त्याचा सहकारी फोटो आणि व्हिडीओ काढत होता. मात्र, त्यांचा हा जीवघेणा प्रकार पाहून एका जागरुक नागरिकाने पोलीसांनी पकडले. पोलीसांनी तातडीने याठिकाणी पोहोचून दोघांना अटक केली.

पोलीसांनी सांगितले की आम्ही दहशतवादी घटना असल्याचे समजून हा तपास सुरूवातीला केला होता. मात्र, पोलीस ठाण्यात आणून चौकशी केल्यावर दोघेही स्टंटमॅन असल्याचे दिसले. आम्ही दोघांचे इन्स्टाग्राम अकाऊंट तपासल्यावर त्यामध्ये अशा पध्दतीने स्टंट केल्याचे अनेक फोटो होते.

Anything for stunt selfie … Two Russians arrested for climbing Bandra-Worli sea-link cable


हे ही वाचा