अमरावती हत्याकांड : मुख्य आरोपीच्या नागपुरातून आवळल्या मुसक्या, पोलिसांनी आठ दिवस झाकून ठेवले कारण|Amravati Murder The main accused's kisses from Nagpur were covered by the police for eight days

अमरावती हत्याकांड : मुख्य आरोपीच्या नागपुरातून आवळल्या मुसक्या, पोलिसांनी आठ दिवस झाकून ठेवले कारण

वृत्तसंस्था

अमरावती : अमरावती हत्याकांडाच्या मास्टर माईंडला नागपुरातून अटक करण्यात आली आहे. या हत्येचा मुख्य सूत्रधार इरफान खान असल्याचे महाराष्ट्र पोलिसांनी सांगितले. इरफान खान अमरावतीमध्ये रेहबर नावाची एनजीओ चालवतो. अमरावती येथे मेडिकल स्टोअर चालवणाऱ्या उमेश कोल्हे यांच्या हत्येमागे इरफान हा मास्टरमाईंड आहे.Amravati Murder The main accused’s kisses from Nagpur were covered by the police for eight days

इरफानच्या सांगण्यावरून यापूर्वी अटक केलेल्या 6 आरोपींनी मिळून ही हत्या केली होती. इरफानच्या आदेशानंतर त्या 6 आरोपींनी काहीही विचार न करता एवढी मोठी घटना घडवून आणली होती. या खुनाचे एकूण सातही आरोपी आता पोलिसांच्या ताब्यात आहेत.

नुपूर शर्मा प्रकरण : अमरावतीच्या उमेश कोल्हे यांचे जिहादी मारेकरी सीसीटीव्हीत कैद!!

यापूर्वी उमेश कोल्हे खून प्रकरणात पोलिसांनी 6 आरोपींना अटक केली होती, त्यांच्यावर भादंवि कलम 302, 120बी, आणि 109 अंतर्गत गुन्हा दाखल करण्यात आला होता. नुपूर शर्माच्या समर्थनार्थ त्याने (उमेश कोल्हे) सोशल मीडियावर जे पोस्ट केले होते त्यामुळे ही घटना घडल्याचे प्रथमदर्शनी दिसते. या मारेकऱ्यांनीही उदयपूरमधील टेलर कन्हैयालालसारखी हत्या केली का, याचाही तपास एटीएस करत आहे. यापूर्वी पोलिसांनी अटक केलेल्या आरोपींची नावेही जाहीर केली होती. आता यात सातव्या नावाचाही समावेश झाला आहे.

इरफान खान- हत्येचा मास्टरमाइंड
मुदासीर अहमद ऊर्फ सोनू राजा साकिब्राहिम
शाहरुख पठाण ऊर्फ बादशाह हिदायत खान
अब्दुल तौफिक ऊर्फ नानू शेख तस्लीम
शोहेब खान ऊर्फ बुरिया साबीर खान
अतिप रशीद आदिल रशीफ
डॉ. युसूफ खान बहादूर खान

22 जून रोजी गळा चिरून हत्या

22 जून रोजी अमरावती येथे उमेश कोल्हे नावाच्या 50 वर्षीय व्यक्तीचा गळा चिरून खून करण्यात आला होता. या खूनप्रकरणी अमरावती पोलिसांनी ६ जणांना अटक केली आहे. पोलीस सूत्रांनी दिलेल्या माहितीनुसार, मेडिकल स्टोअर चालवणाऱ्या पीडितेने नुपूर शर्माला पाठिंबा दिला होता. हत्येमागे हेच कारण असल्याचे पोलिसांनीही आता स्पष्ट केले. फेसबुकवर नुपूरच्या समर्थनार्थ एक पोस्ट लिहिली होती. तपासासाठी एनआयएचे एक पथकही आज अमरावतीत पोहोचले आहे. सर्व आरोपींनी एका व्यक्तीच्या सांगण्यावरून ही हत्या केली. या प्रकरणात कायदा व सुव्यवस्था बिघडू नये, म्हणून पोलिसांनी तब्बल आठ दिवस ही घटना बाहेर येऊ दिली नाही.