यवतमाळमध्ये ९६ किलो चंदन जप्त, एक आरोपी अटकेत

By, Sachin Deshmukh - January 12, 2022 09:06:48

0

मुरझडी चिंच या गावातून चंदनाची तस्करी करण्यात येणार असल्याची गोपनीय माहिती स्थानिक गुन्हे शाखेचे पोलीस निरीक्षक प्रदीप परदेशी यांना मिळाली होती.96 kg sandalwood seized in Yavatmal, one accused arrested

विशेष प्रतिनिधी

यवतमाळ : यवतमाळ तालुक्यातील मुरझडी चिंच या गावात आणि स्थानिक गुन्हे शाखेने अवैधरित्या चंदनाची झाडे तोडून त्याची वाहतूक करणाऱ्यांवर संयुक्त कारवाई केली आहे.दरम्यान या कारवाईत ९५ किलो ७३० ग्रॅम चंदन अंदाजे किंमत सात लाख ६५ हजार रुपयांचे जप्त करण्यात आले.दरम्यान याप्रकरणी एका आरोपीला अटक केली आहे

.तर एक आरोपी फरार झाला आहे.फरार आरोपीचा पोलीस शोध घेत आहेत.दशरथ सूर्यभान नोगमोते असे अटक करण्यात आलेल्या आरोपीचे नाव आहे.मुरझडी चिंच या गावातून चंदनाची तस्करी करण्यात येणार असल्याची गोपनीय माहिती स्थानिक गुन्हे शाखेचे पोलीस निरीक्षक प्रदीप परदेशी यांना मिळाली होती.

महाराष्ट्र : मराठवाड्यात मुसळधार पाऊस, तर बीड आणि लातूर गावांमध्ये पूर परिस्थिती, यवतमाळमध्ये बस वाहून गेली

दरम्यान मिळालेल्या माहितीनुसार स्थानिक गुन्हे शाखेने आणि वन विभागाचे फिरते पथक यांना माहिती देऊन मुरझडी चिंच या गावी जाऊन या गावातील गोविंद व्यवहारे यांच्या शेताजवळ सापळा रचला.दरम्यान या शेतातून दोन व्यक्ती पोत्यामध्ये चंदन आणत असल्याचे निदर्शनास आले.

पुढे वनविभाच्या व पोलीस पथकाला पाहताच त्यांनी पळ काढला. त्यांचा पाठलाग केला असता त्यांच्या जवळील पोत्यातून ५१ चंदनाच्या झाडाचे तुकडे व चंदन झाडाचे बुंदे आढळून आले. याचे वजन केले असता ९५.७३० किलो चंदनचा साठा केला जप्त केला.जप्त केलेले चंदन ७ लाख ६५ हजाराचे असल्याची माहिती वनविभागाच्या फिरते पथकाचे वनपरिक्षेत्र अधिकारी चेतन नेहारे यांनी सांगितले.