राष्ट्रवादीत जे काही चाललेय, तो त्यांचा अंतर्गत मामला; संजय राऊतांचे बदलले सूर

By, Pravin Wankhade - April 21, 2023 12:05:44

0

वृत्तसंस्था

नवी दिल्ली : कालपर्यंत स्वतःला महाविकास आघाडीचा चौकीदार म्हणवून घेणाऱ्या संजय राऊत यांचे आज सुरू बदलले असून राष्ट्रवादी काँग्रेसमध्ये जे काही चालले आहे, तो त्यांचा अंतर्गत मामला आहे, असे संजय राऊत यांनी आज त्यांच्या नियमित पत्रकार परिषदेत स्पष्ट केले.Whatever is going on in NCP is their internal matter; Sanjay Raut’s changed tune

उद्योगपती गौतम अदानी यांनी राष्ट्रवादी काँग्रेसचे अध्यक्ष खासदार शरद पवार यांच्या सिल्वर ओक या निवासस्थानी जाऊन काल दोन तास चर्चा केली. त्यानंतर संजय राऊत हे देखील शरद पवारांना भेटले होते. त्या संदर्भात आज पत्रकार परिषदेत त्यांना विचारले असता संजय राऊत म्हणाले, शरद पवार यांच्याशी माझ्या नेहमीच बैठका होत असतात. अदानी यांची भेट झाल्यानंतर मी जरी शरद पवारांना भेटलो असलो तरी अदानी भेटीचा आणि माझ्या भेटीचा काही संबंध नाही. पवारांबरोबरच्या भेटीत राजकीय चर्चा निश्चित झाली पण अदानी विषयावर चर्चा झाली नाही, असे राऊत यांनी स्पष्ट केले.

जंबो कोविड सेंटर घोटाळ्यात संजय राऊतांचे बिझनेस पार्टनर सुजित पाटकरांविरूद्ध पुणे पोलिसांचा 420 चा गुन्हा दाखल

त्याचवेळी संजय राऊत यांनी अजितदादांच्या कथेत बंडा विषयी देखील भाष्य केले. राष्ट्रवादीत सध्या जे काही सुरू आहे, तो त्या पक्षाचा अंतर्गत मामला आहे, असे सांगून संजय राऊत यांनी आपले सूर बदलल्याचा संकेत दिला. कालच संजय राऊत आपण महाविकास आघाडीचे चौकीदार आहोत, असे म्हणत होते. पण प्रत्यक्षात त्यांचा आणि अजितदादांचा वाद रंगला होता. ज्यांचे मुखपत्र आहे, त्याच पक्षाविषयी त्यांनी बोलावे असे अजितदादांनी संजय राऊत यांचे नाव न घेता त्यांना ठणकावले होते.

हमारी बैठकें होती रहती हैं। मैंने कल शरद पावर साहब से मुलाकात की और हमारे बीच बहुत से विषय एवं राज्य में जो चल रहा है उस पर चर्चा हुई। एनसीपी में जो चल रहा है यह उनका आंतरिक मामला है: शिवसेना (उद्धव गुट) के नेता संजय राउत, मुंबई pic.twitter.com/Dg266EgmO9

— ANI_HindiNews (@AHindinews) April 21, 2023

त्यावरूनच संजय राऊत यांनी आपण महाविकास आघाडीचे चौकीदार आहोत. आपण कोणाच्या बापाला घाबरत नाही. आपण फक्त शरद पवारांचे ऐकतो. त्यामुळे माझ्यावर खापर फोडण्याचे कारण काय??, असा सवाल संजय राऊत यांनी केला होता. मात्र आजच्या पत्रकार परिषदेत, संजय राऊत यांनी राष्ट्रवादीत जे काही चालू आहे, तो त्यांचा अंतर्गत मामला आहे, असे सांगून आपले सूर बदलल्याचे संकेत दिले आहेत.