विशेष प्रतिनिधी
मुंबई – भायखळा येथील वीरमाता जिजाबाई भोसले उद्यान आणि प्राणीसंग्रहालय सध्या कोरोनामुळे बंद आहे; तरीही प्राणीसंग्रहालयातील प्राण्याबरोबर दुर्मिळ वृक्षांना पर्यटक आणि बच्चे कंपनीला भेटता येणार आहे. Virtual tour of ranicha baug will for people
व्हर्च्युअल टूरद्वारे राणीच्या बागेचा १६० वर्षाच्या इतिहासासोबतच प्राणी, पक्षी, वनस्पती पाहता येणार आहेत. राणीच्या बागेत २८३ प्रजातींचे ६,६११ वनस्पती २९१ दुर्मिळ, तर १५ औषधी झाडे आहेत. जगातील सातपैकी सहा खंडांतील देशी-विदेशी झाडे असलेले हे देशातील एकमेव उद्यान आहे. तसेय येथे १३ जातींचे ८४ सस्तन प्राणी व १९ जातींचे १५७ पक्षी आहेत.
राणीची बाग ही केवळ मुंबईकरांसाठीच नव्हे तर बाहेरगावावरून आलेल्या पर्यटकांसाठी आकर्षणाचा केंद्रबिंदू आहे. या बागेत कृष्ण वड, गोरख चिंच अशी अनेक दुर्मिळ झाडे पाहायला मिळतात. कोरोना काळात दीड वर्षांपासून काही आठवडे वगळता राणीची बाग पर्यटकांसाठी बंद आहे. ती अद्याप खुली झालेली नाही; मात्र राणीच्या बागेतील प्राण्याच्या विविध तऱ्हा, त्यांचे खेळ पर्यटकांना ‘द मुंबई झू’ या यूट्यूब चॅनलवरून पाहता येणार आहे.
त्याचबरोबरच बागेतील वृक्षसंपदेसोबतच राणीच्या बागेचा १६० वर्षांचा इतिहासही पहिल्यांदाच उलगडणार असल्याची माहिती प्रशासनाकडून देण्यात आली.
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App