नागपूर, विदर्भात कोविड अटकावासाठी नितीन गडकरी यांच्याकडून महत्तपूर्ण पावले

By, Pravin Wankhade - April 16, 2021 07:04:47

0

प्रतिनिधी

नागपूर : केंद्रीय मंत्री नितीनजी गडकरी यांनी नागपूरातील कोविड स्थितीत आजवर महत्त्वपूर्ण पावले उचलली आहेत. Union minister nitin gadkari initiated majors to prevent corona pandamic in Nagpur and vidarbha

रेमडेसिवीर इंजेक्शन मिळण्यासाठी सन फार्मा’चे दिलीप सिंघवी यांच्याशी पाच दिवसांपूर्वी दूरध्वनीवरून चर्चा केली होती. त्यानंतर आजवर नागपूरात ४९०० व विदर्भात ५०० इंजेक्शन्स पोहोचले आहेत.
मायलॉन लॅबरॉटरीज’चे भारतातील सीईओ श्री राकेश बोमजाई यांच्याशीदेखील दूरध्वनीवरून संपर्क केला होता. त्यानंतर मायलॉनकडून आजवर नागपूरसाठी ६००० रेमडेसिवीर इंजेक्शनची पूर्तता करण्यात आली आहे.
अवघ्या पाच दिवसात असे एकूण ११४०० रेमडेसिवीर इंजेक्शन्स नागपूरला मिळाले आहेत.
रेमडेसिवीर इंजेक्शनसंदर्भात मा. पंतप्रधान व केंद्रीय मंत्री श्री मनसुख मांडवीय यांच्याशीदेखील श्री गडकरीजी यांनी दूरध्वनीवरून पाठपूरावा केला असून रेमडेसिवीरची निर्मिती 10 लक्ष वायल प्रति महिना वाढवण्यास व नवीन प्रकल्प सुरू करण्यास मंजूरी मिळवून दिली. याचा केवळ नागपूरलाच नाही, तर संपूर्ण राज्याला फायदा होणार आहे.
नागपूरमध्ये ऑक्सिजनची पूर्तता करण्यासाठी ‘भिलाई स्टील प्लॉट’शी संपर्क साधून ३० टन ऑक्सिजन मिळवून दिले. हा ऑक्सिजन वितरित करण्यासाठी विशाखापट्टणम येथून टँकरचीही सुविधा उपलब्ध करून दिली.
नागपूरसाठी पोर्टेबल ऑक्सिजन कॉन्सन्ट्रेटर (Oxygen Concentrator) मिळवून देण्यासाठीदेखील श्री गडकरीजी प्रयत्नशील असून लवकरच १००० पोर्टेबल ऑक्सिजन कॉन्सन्ट्रेटर उपलब्ध करून देण्यात येणार आहेत.
नागपूरातील व्हेंटिलेटर्सची आवश्यकता लक्षात घेता विशाखापट्टणम येथील एमपीझेड द्वारा निर्मित (किंमत केवळ २ लक्ष रुपये) १००० व्हेंटिलेटर्स नागपूरकरांसाठी उपलब्ध करून देण्यात आले आहेत. यासाठी आवश्यक सीएसआर फंड उपलब्ध करून देण्यासाठीही गडकरीजी प्रयत्नशील आहेत.
नागपूर एम्स’मध्ये केवळ दोन दिवसांत ६० वरून ५०० बेड्स उपलब्ध करून देण्यात आले आहेत. नॅशनल कॅन्सर इन्स्टिट्युट, नागपूर येथे तातडीने २०० बेड्सना मंजूरी मिळवून देण्यात आली आहे.
जी रुग्णालये कोविड रुग्णांच्या उपचारासाठी अतिरिक्त बेड्स वाढवून मागत आहेत, त्यांना २४ तासांत सदर परवानगी मिळवून देण्याचे निर्देश गडकरीजी यांनी दिले आहेत.
नागपूरात आर-टीपीसीआर टेस्ट तातडीने व्हाव्यात यासाठी स्पाईस जेट (हेल्थ) चे मालक अजय सिंह यांच्याशी दुरध्वनी द्वारे चर्चा करून आर-टीपीसीआर टेस्ट साठी नागपूरला दोन मोबाईल चाचणी लॅब देण्याची विनंती केली . स्पाईस हेल्थ ने ही विनंती मान्य करत मोबाईल टेस्ट लॅब ताबडतोब नागपूरला पोहचवण्याचे आश्वासन दिले आहे . या एका लॅब मधे ३५० रुपयात प्रती दिन ३००० लोकांच्या चाचण्या होतील .