Sanjay Nirupam उद्धव ठाकरेंच्या कार्यशैलीला कंटाळून ठाकरे गटाचे ७० ते ७५ टक्के खासदार, आमदार पक्ष सोडणार ,संजय निरुपम यांचा दावा

By, Pravin Wankhade - July 22, 2025 07:30:25

0

विशेष प्रतिनिधी

मुंबई : उद्धव ठाकरेंच्या कार्यशैलीला कंटाळून लवकरच अनेक आमदार पक्षाला निरोप देतील. ठाकरे गटाचे ७० ते ७५ टक्के खासदार आणि आमदार पक्ष सोडण्याच्या तयारीत आहेत, असा दावा शिवसेनेचे ,( शिंदे गट,)उपनेते संजय निरुपम यांनी मुंबईत आयोजित पत्रकार परिषदेत केला. Sanjay Nirupam

ठाकरे बंधूंवर टीका करताना म्हटले की, उद्धव ठाकरे यांनी सत्तेसाठी काँग्रेसशी युती करून बाळासाहेबांच्या विचारांविरुद्ध पाऊल उचलले आहे. त्याच वेळी, राज ठाकरे यांची हिंदी विरोधी आणि हिंदुत्वविरोधी भूमिका बाळासाहेबांच्या मूलभूत विचारांविरुद्ध देखील आहे. ठाकरे ब्रँडचा पाया प्रबोधनकार ठाकरे यांनी घातला आणि बाळासाहेब ठाकरे यांनी एक ओळख दिली. जोपर्यंत बाळासाहेब होते तोपर्यंत हा ब्रँड जिवंत होता, परंतु आजचे ठाकरे त्यांच्या विचारांपासून दूर गेले आहेत, त्यामुळे ते ठाकरे ब्रँडचे खरे वारस असू शकत नाहीत.

“पवार संस्कारितां”ची थांबेना दादागिरी; फडणवीस, लवकर साधा सफाईची संधी!!

संजय निरुपम यांनी सांगितले की, महानगरपालिकेच्या निवडणुका जवळ आल्या की, काही लोक “मुंबईला महाराष्ट्रापासून वेगळे करण्याचा प्रयत्न” करू लागले आहेत. ते “षड्यंत्र” करत आहेत आणि अशी भावनिक भाषा बोलून ते जनतेला भडकवण्याचे काम करतात. सामनाला दिलेल्या अलिकडच्या मुलाखतीत आणि मीरा रोड येथील सभेतही अशाच गोष्टी बोलल्या गेल्या. पण सत्य हे आहे की मुंबई महाराष्ट्राची होती, आहे आणि राहील. मुंबईला महाराष्ट्रापासून वेगळे करण्याचा कोणताही प्रयत्न यशस्वी होऊ शकत नाही. जर कोणी तसे करण्याचा प्रयत्न केला तर शिवसेना त्यांना चोख प्रत्युत्तर देईल.

निरुपम म्हणाले की, शिवसेनेचे प्रमुख नेते आणि उपमुख्यमंत्री एकनाथ शिंदे जी हेच बाळासाहेबांच्या तेजस्वी विचारांना पुढे नेत आहेत. ठाकरे ब्रँडच्या वारशाबद्दल बोलणारे त्यांच्या मुलालाही निवडणूक जिंकवून देऊ शकले नाहीत – असा टोला त्यांनी राज ठाकरेंवर लगावला. तसेच, आदित्य ठाकरेंवर टीका करताना ते म्हणाले की, विधानभवनाच्या पायऱ्यांवर बसून सरकारच्या मंत्र्यांची खिल्ली उडवणे हे ठाकरे ब्रँड असू शकत नाही.

एकनाथ शिंदे यांनी अडीच वर्षांच्या मुख्यमंत्रीपदाच्या काळात मराठी भाषा, मराठी संस्कृती आणि मराठी माणसांसाठी अनेक ऐतिहासिक निर्णय घेतले आणि त्यांची अंमलबजावणीही केली. आज फक्त एकनाथ शिंदे हे मराठी लोकांच्या आदराचे आणि स्वाभिमानाचे प्रतीक आहेत. महाराष्ट्रात आज फक्त दोनच मोठे ब्रँड आहेत – देवेंद्र फडणवीस आणि एकनाथ शिंदे आहेत. शिंदे ब्रँड ठाकरे ब्रँडपेक्षा खूपच मजबूत आणि लोकप्रिय आहे. म्हणूनच जनतेने मोठ्या संख्येने मतांनी शिवसेनेला विजयी केले. जेव्हा उबाठाचे बीएमसीवर नियंत्रण होते तेव्हा १३१ मराठी शाळा बंद पडल्या आणि मराठी विद्यार्थ्यांची संख्या ४०% कमी झाली. बहुतेक कंत्राटे ठाकरे यांच्याशी थेट संबंध असलेल्या मराठी कंत्राटदारांना देण्यात आली.