रिलायन्स ही भारताची सर्वात मौल्यवान खासगी कंपनी, हुरुन लिस्टमध्ये 16.3 लाख कोटी मूल्यासह टॉपवर, अदानी टॉप-10 मध्येही नाही|Reliance, India's most valuable private company, tops the Hurun list with a valuation of Rs 16.3 lakh crore, while Adani is not even in the top-10.

रिलायन्स ही भारताची सर्वात मौल्यवान खासगी कंपनी, हुरुन लिस्टमध्ये 16.3 लाख कोटी मूल्यासह टॉपवर, अदानी टॉप-10 मध्येही नाही

वृत्तसंस्था

मुंबई : अब्जाधीश मुकेश अंबानी यांची कंपनी रिलायन्स इंडस्ट्रीज पुन्हा एकदा भारतातील खासगी क्षेत्रातील सर्वात मौल्यवान कंपनी बनली आहे. त्याचबरोबर अदानी समूहातील एकाही कंपनीचा टॉप टेनमध्ये समावेश नाही. ‘2022 बरगंडी प्रायव्हेट हुरुन इंडिया 500’ यादी मंगळवारी प्रसिद्ध झाली आहे.Reliance, India’s most valuable private company, tops the Hurun list with a valuation of Rs 16.3 lakh crore, while Adani is not even in the top-10.

रिलायन्स 16.3 लाख कोटी रुपयांसह हुरुन यादीत पहिल्या क्रमांकावर आहे. टाटा कन्सल्टन्सी सर्व्हिसेस (TCS) 11.8 लाख कोटी रुपयांसह दुसऱ्या क्रमांकावर आहे. दुसरीकडे, एचडीएफसी बँक 9.4 लाख कोटी रुपयांसह यादीत तिसऱ्या क्रमांकावर आहे.

रिलायन्स जिओ 5 जी सेवा दिवाळीपासून सुरू; मुकेश अंबानींची घोषणा!!, वाचा तपशील!!

बरगंडी प्रायव्हेट आणि हुरुन इंडिया यांनी संयुक्तपणे ही यादी तयार केली आहे. 30 ऑक्टोबर 2022 ते 30 एप्रिल 2023 या कालावधीतील डेटाचे विश्लेषण या यादीत करण्यात आले आहे. कंपन्यांची मार्केट कॅपनुसार क्रमवारी लावली जाते.

सूचीबद्ध नसलेल्या कंपन्यांच्या यादीत सीरम इन्स्टिट्यूट टॉपवर

मोस्ट व्हॅल्युएबल अनलिस्टेड कंपनी सीरम इन्स्टिट्यूट ऑफ इंडिया 2022 च्या टॉप-500 कंपन्यांच्या यादीत 1.92 लाख कोटी रुपयांच्या मूल्यासह अव्वल स्थानावर आहे. असूचीबद्ध कंपन्यांच्या यादीत नॅशनल स्टॉक एक्सचेंज ऑफ इंडिया (NSE) दुसऱ्या, तर BYJU’S तिसऱ्या स्थानावर आहे.

अनलिस्टेड कंपन्यांच्या यादीत मॅनकाइंड फार्मा 10 व्या क्रमांकावर आहे. ही कंपनी 9 मे 2023 रोजी बाजारात सूचीबद्ध झाली. ही यादी तयार करण्यासाठी, 30 एप्रिल 2023 पर्यंतचा डेटा घेण्यात आला आहे, त्यामुळे मॅनकाइंड फार्मा सूचीबद्ध नसलेल्या कंपन्यांच्या यादीत समाविष्ट करण्यात आली आहे.