पक्ष चालवायचा म्हणुन पवार हे देशमुखांचे समर्थन करतात, पण त्यांच्यासारख्या नेत्याने हे करणे अपेक्षित नाही, देवेंद्र फडणवीस यांची टीका|Pawar supports Deshmukh to run party, but leader like him is not expected to do so, criticizes Devendra Fadnavis

पक्ष चालवायचा म्हणुन पवार हे देशमुखांचे समर्थन करतात, पण त्यांच्यासारख्या नेत्याने हे करणे अपेक्षित नाही, देवेंद्र फडणवीस यांची टीका

विशेष प्रतिनिधी

नागपूर : पक्ष चालवायचा म्हणुन शरद पवार हे अनिल देशमुख यांचे समर्थन करतात. पण पवार यांच्यासारख्या मोठ्या नेत्याकडून हे अपेक्षित नाही. देशमुखांनी पैसे गोळा करण्याची मागणी केली पण पैसे गोळा केले का, असे म्हणून त्यांचे समर्थन करणे योग्य आहे का, असा सवाल विधानसभेतील विरोधी पक्षनेते देवेंद्र फडणवीस यांनी केला.Pawar supports Deshmukh to run party, but leader like him is not expected to do so, criticizes Devendra Fadnavis

नागपुरात पत्रकारांशी बोलताना फडणवीस म्हणाले, अमरावतीत घटना झाली, ती कशामुळे झाली? कुठलीही घटना त्रिपुरात घडली नसताना, कपोलकल्पित घटनेच्या आधारावर मोर्चे काढून हिंदुंची दुकाने तोडण्यात आली. यावर तथाकथित सेल्युलर का बोलत नाहीत? प्रश्न कोणी निर्माण केला, यापासून दूर भटकून अशाप्रकारे भाजपवर आरोप करुन प्रश्न कधी सुटणार नाही.

देवेंद्र फडणवीसांनी सांगितली महाराष्ट्रातल्या दंगलीची क्रोनॉलॉजी आणि मोडस ऑपरेंडी!! कोण कसे वागले??

फडणवीस म्हणाले, मला असं वाटत आहे, त्यांच्या पक्षाची अशी अवस्था झाली आहे, त्यामुळे त्यांना अशी भूमिका घेणे गरजेचं आहे. शेवटी शरद पवार हे पक्षाचे प्रमुख आहेत, त्यामुळे त्यांना अशी भूमिका घ्यावी लागते. खरं म्हणजे, शरद पवार यांच्यासारख्या मोठ्या नेत्यांकडून असं अपेक्षितच नाही.