खळबळजनक : ओवेसींच्या बुलडाणामधील सभेत औरंगजेबच्या समर्थनार्थ घोषणाबाजी!

By, Sachin Sutar - June 25, 2023 01:00:58

0

AIMIM to contest on 100 seats in UP Assembly Election 2022, Asaddudin Owaisi also commented on alliance

या प्रकाराचा व्हिडीओ समोर आला असून पोलिसांकडे अधिक चौकशी करत आहे.

विशेष प्रतिनिधी

बुलडाणा : ऑल इंडिया मजलिस-ए-इत्तेहादुल मुस्लिमीन (एआयएमआयएम) प्रमुख असदुद्दीन ओवेसी यांच्या बैठकीत आक्षेपार्ह घोषणाबाजी करण्यात आल्याचे समोर आले आहे. ओवेसींच्या सभेत औरंगजेबाच्या समर्थनार्थ घोषणाबाजी करण्यात आली. असदुद्दीन ओवेसी मंचावरून आपल्या समर्थकांना संबोधित करत असताना काही लोकांनी औरंगजेबच्या समर्थनार्थ घोषणाबाजी सुरू केली. त्याचा व्हिडिओही समोर आला असून, त्यानंतर पोलिसांनीही या प्रकरणाचा तपास सुरू केला आहे. Owaisis meeting in Buldana raised slogans in support of Aurangzeb

ओवेसी शुक्रवारी महाराष्ट्रातील बुलढाणा येथे एका सभेला संबोधित करत होते. दरम्यान, ‘जब तक सूरज-चांद रहेगा, औरंगजेब अमर रहेगा’ अशा घोषणा उपस्थित लोकांनी दिल्या. हा व्हिडिओ त्यांच्याकडे आल्याचे पोलिसांचे म्हणणे आहे. व्हिडिओची तपासणी करण्यात येत असून त्यानंतर पुढील कारवाई केली जाईल.

विरोधक व्होट बँकेसाठी स्पर्धा करत आहेत –

ओवेसींच्या सभेत औरंगजेबाच्या समर्थनार्थ घोषणाबाजी केल्यानंतर भारतीय जनता पार्टीने हल्लाबोल केला आहे. रिपब्लिक इंडियाशी बोलताना महाराष्ट्राचे भाजपा नेते किरीट सोमय्या म्हणाले की, ओवेसी असो वा उद्धव ठाकरे यांचा पक्ष, हे सर्व पक्ष व्होट बँकेसाठी स्पर्धा करत आहेत. हे पक्ष मुस्लीम मतांसाठी स्पर्धा करत आहेत. ओवेसी, काँग्रेस, उद्धव ठाकरे यांचा पक्ष जी संस्कृती जोपासत आहे, ती अजिबात मान्य नाही.

जो कोणी औरंगजेबला हिरो बनवेल, त्याच्यावर कठोर कारवाई केली जाईल, असे सोमय्या यांनी म्हटले आहे. तसेच, उद्धव ठाकरेंवर हल्लाबोल करताना किरीट सोमय्या म्हणाले की, उद्धव ठाकरे औरंगजेबाला पाठिंबा देणाऱ्यांच्या पाठीशी उभे आहेत. काँग्रेस आणि शरद पवार यांचा पक्षही या प्रवृत्तीचा प्रचार करण्यात मग्न आहे.