इस्राईलच्या राजदुतांची छत्रपती शिवरायांना मराठमोळी मानवंदना!!

By, Pravin Wankhade - February 19, 2023 12:00:05

0

प्रतिनिधी

मुंबई : छत्रपती शिवाजी महाराज यांची जयंती देशभर प्रचंड जल्लोषात साजरी होत असताना मुंबईतील इस्राईलचे राजदूत कोबी शोशनी यांनी शिवाजी महाराजांना मराठमोळी मानवंदना दिली आहे. इस्राईलच्या दुतावासाने एक ट्विट करत शिवजयंतीच्या अनोख्या शुभेच्छा दिल्या आहेत. या ट्विटमध्ये राज्यातील शिवजयंती सोहळ्याचा व्हिडीओ ट्विट करत या व्हिडीओच्या माध्यमातून इस्राईलच्या राजदुतांनी शुभेच्छा दिल्या आहेत. On the birthday of Chhatrapati Shivaji Maharaj here is a small surprise from the Israeli Diplomats in Mumbai

राज्यात आज (१९ फेब्रुवारी) छत्रपती शिवाजी महाराजांची जयंती उत्साहात साजरी करण्यात येत आहे. छत्रपती शिवाजी महाराज यांच्या जयंतीनिमित्त शिवनेरी किल्ल्यावर मुख्यमंत्री एकनाथ शिंदे, उपमुख्यमंत्री देवेंद्र फडणवीस, पर्यटनमंत्री मंगल प्रभात लोढा,आमदार प्रवीण दरेकर आदी उपस्थित होते. एकनाथ शिंदे हे मुख्यमंत्री झाल्यावर पहिल्यांदाच शिवनेरीवर शिवजयंती साजरी केली.

On the birthday of Chhatrapati Shivaji Maharaj here is a small surprise from the Israeli Diplomats in Mumbai

छत्रपती शिवाजी महाराज यांच्या जयंती निमीत्ताने ,मुंबईतील ईजराईल च्या राजदूतांकडून महाराजांना मानवंदना#ShivajiMaharaj #shivajijayanti #shivajimaharajjayanti pic.twitter.com/3BPTTcY1UX

— 🇮🇱 Israel in Mumbai (@israelinMumbai) February 18, 2023

त्याचबरोबर दिल्लीच्या लाल किल्ल्यात औरंगजेबाने छत्रपती शिवाजी महाराज व संभाजीराजेंना कैद केले होते त्या आग्र्याच्या किल्ल्यात आज इतिहासात पहिल्यांदाच शिवजयंती उत्सव साजरा केला जात आहे. या कार्यक्रमासाठी राज्यभरातून १० हजार शिवभक्त दिल्लीत दाखल झाले आहेत. मात्र सुरक्षेच्या कारणास्तव किल्ल्यात केवळ ४०० शिवभक्तांना प्रवेश मिळणार आहे.

शिवजयंती निमित्त लाल किल्ल्यावर शिवरायांच्या शौर्यावर आधारित नाटक आणि विविध कार्यक्रम सादर केले जाणार आहे. अजिंक्य देवगिरी प्रतिष्ठान आणि आर. आर. पाटील फाउंडेशनच्या वतीने लाल किल्ल्यावर शिवजयंतीचा सोहळा आयोजित करण्यात आला आहे. या सोहळ्यास महाराष्ट्राचे मुख्यमंत्री एकनाथ शिंदे आणि उत्तर प्रदेशचे मुख्यमंत्री योगी आदित्यनाथ हे उपस्थित राहणार आहेत.