राज्यात वेगाने वाढू लागली ओमिक्रॉनबाधितांची संख्या

By, Vishal Joshi - January 10, 2022 11:45:36

0

विशेष प्रतिनिधी

मुंबई – राज्यात रविवारी तब्बल २०७ ओमिक्रॉन बाधित रुग्णांची नोंद झाली. रुग्णांपैकी १५५ बी जे वैद्यकीय महाविद्यालय; तर ५२ रुग्ण राष्ट्रीय विषाणू विज्ञान संस्थेने कळवले आहेत. त्यात सांगली ५७, मुंबई ४०, पुणे पालिका २२, नागपूर २१, पिंपरी-चिंचवड १५, ठाणे पालिका १२, कोल्हापूर ८, अमरावती ६, उस्मानाबाद ५, बुलडाणा-अकोला प्रत्येकी ४, गोंदिया ३, नंदुरबार-सातारा-गडचिरोली प्रत्येकी २, औरंगाबाद, जालना, लातूर आणि मिरा-भाईंदर प्रत्येकी १ रुग्ण नोंदवला गेला. Omicron patiants increasing in state

आजवर राज्यात एकूण १,२१६ ओमिक्रॉन बाधित रुग्णांची नोंद झाली. यातील २६ रुग्ण हे इतर राज्यांतील; तर प्रत्येकी १ रुग्ण पालघर, जळगाव, नवी मुंबई, नाशिक, रायगड आणि औरंगाबाद येथील आहेत. ७ रुग्ण ठाणे आणि ४ रुग्ण कोल्हापूर जिल्ह्यातील आहेत; तर ९ रुग्ण विदेशी नागरिक आहेत.

मुंबईत ओमिक्रॉनचा वाढता धोका: २०टक्के पेक्षा जास्त रुग्ण आढळल्यास सोसायट्या सीलबंद करणार

मुंबई आंतरराष्ट्रीय विमानतळावरील सर्वेक्षणात हे रुग्ण आढळले आहेत. आजपर्यंत आढळलेल्या रुग्णांपैकी ४५४ रुग्णांना त्यांची आरटी-पीसीआर चाचणी निगेटिव्ह आल्यानंतर रुग्णालयातून घरी सोडण्यात आले आहे. आजवर ३,८६८ प्रयोगशाळा नमुने जनुकीय तपासणीसाठी पाठविण्यात आले आहेत. यापैकी ९७ नमुन्यांचा अहवाल अद्याप प्रलंबित आहे.