Aurangzeb : औरंगजेबाच्या कबरीपर्यंत पोहोचली NIA, आतापर्यंत ९१ जणांना अटक

By, Pravin Wankhade - March 21, 2025 07:00:29

0

नागपूर हिंसाचाराची सर्व गुपित उघड करणार आरोपी

विशेष प्रतिनिधी

छत्रपती संभाजीनगर : Aurangzeb आता राष्ट्रीय तपास यंत्रणेने (एनआयए) नागपूर हिंसाचार प्रकरणात प्रवेश केला आहे. एनआयएच्या अधिकाऱ्यांनी छत्रपती संभाजीनगर येथील औरंगजेबाच्या कबरीला भेट दिली आणि प्राथमिक माहिती गोळा करण्यासाठी तेथील पोलिस अधिकाऱ्यांची भेट घेतली.Aurangzeb

एनआयएच्या सूत्रांनी दिलेल्या माहितीनुसार, अधिकाऱ्यांनी औरंगजेबाच्या कबरीची आणि आजूबाजूच्या परिसराची पाहणी केली. अधिकाऱ्यांनी तेथील वरिष्ठ पोलिस अधिकाऱ्यांची भेट घेतली आणि हिंसाचारग्रस्त भागातील परिस्थितीचा आढावा घेतला. बांगलादेशी कनेक्शन उघडकीस आल्यानंतर, एनआयए लवकरच या प्रकरणात गुन्हा दाखल करून तपास सुरू करू शकते.

Supriya sule शरद पवारांचे “हे” टेक्निक आत्मसात करायचा सुप्रिया सुळेंचा डाव, पण…!!

सोमवारी (१७ मार्च) नागपूरमध्ये औरंगजेबाची कबर हटवण्यावरून हिंसाचार उसळला, ज्यामध्ये डीसीपीसह अनेक पोलिस जखमी झाले. दंगलखोरांनी वाहनांची तोडफोड केली, पेट्रोल बॉम्ब फेकले, दगडफेक केली आणि काही घरांवर हल्ला केला. या प्रकरणात १० एफआयआर दाखल करण्यात आले, तर ९० हून अधिक लोकांना अटक करण्यात आली. नंतर पोलिसांनी दावा केला की या हिंसाचारात बांगलादेशी कनेक्शन समोर आले आहे.

हिंसाचाराचा सूत्रधार फहीम शमीम खान याला बुधवारी (१९ मार्च) पोलिसांनी अटक केली आणि न्यायालयाने त्याला २१ मार्चपर्यंत पोलिस कोठडी सुनावली. त्याच्यावर ५०० हून अधिक दंगलखोरांना जमवण्याचा आणि हिंसाचाराला प्रोत्साहन देण्याचा आरोप आहे. फहीम खानसह सहा आरोपींविरुद्ध देशद्रोहाचा गुन्हा दाखल करण्यात आला आहे.