राष्ट्रीय तपास संस्थेने (NIA) आज विशाखापट्टणम, मुंबई आणि गुजरातमध्ये पाकिस्तानी गुप्तचर संस्था ISI ने रचलेल्या हेरगिरीच्या सापळ्याच्या संदर्भात अनेक ठिकाणी छापे टाकले. या छाप्यात अनेक डिजिटल उपकरणे, गुन्ह्यांची कागदपत्रे आणि सिमकार्ड जप्त करण्यात आले आहेत.NIA raids in Gujarat and Maharashtra in ISI espionage case, several documents seized
वृत्तसंस्था
मुंबई : राष्ट्रीय तपास संस्थेने (NIA) आज विशाखापट्टणम, मुंबई आणि गुजरातमध्ये पाकिस्तानी गुप्तचर संस्था ISI ने रचलेल्या हेरगिरीच्या सापळ्याच्या संदर्भात अनेक ठिकाणी छापे टाकले. या छाप्यात अनेक डिजिटल उपकरणे, गुन्ह्यांची कागदपत्रे आणि सिमकार्ड जप्त करण्यात आले आहेत.
नॅशनल इन्व्हेस्टिगेशन एजन्सीच्या अधिकाऱ्याने सांगितले की, हा गुन्हा आंध्र प्रदेश काउंटर इंटेलिजन्स विजयवाडा येथे नोंदवण्यात आला आहे. नंतर या प्रकरणाचा तपास राष्ट्रीय तपास यंत्रणेकडे सोपवण्यात आला. 23 डिसेंबर 2021 रोजी या प्रकरणी गुन्हा नोंदवून एजन्सीने या प्रकरणाचा तपास सुरू केला होता.
एजन्सीच्या वरिष्ठ अधिकाऱ्याच्या म्हणण्यानुसार, या प्रकरणात आरोप आहे की पाकिस्तानी गुप्तचर संस्थेने आपल्या एजंट्सच्या माध्यमातून भारतात हेरगिरीचा सापळा रचण्याचा प्रयत्न केला आहे. त्यासाठी त्यांनी संवेदनशील माहिती गोळा करून विशाखापट्टणम, मुंबई आणि गुजरातच्या अनेक भागांत दहशतवादी कारवाया करण्याचा कट रचला आहे.
तपासादरम्यान असे आढळून आले आहे की भारतीय मोबाईल फोनची सिमकार्ड्स हेरगिरीच्या उद्देशाने मुक्तपणे वापरली जात आहेत आणि या सिमकार्डचा वापर त्यांचे पाकिस्तानी हँडलर करत आहेत. तपासादरम्यान हेही समोर आले आहे की, पाकिस्तानी एजंट भारतीय संरक्षण सेवेशी संबंधित अधिकाधिक लोकांना या सापळ्यात अडकवून त्यांच्यामार्फत संवेदनशील माहिती मिळवण्याचा प्रयत्न करत आहेत.
राष्ट्रीय तपास यंत्रणेने याप्रकरणी गुजरातमधील गोध्रा, बुलढाणा आणि महाराष्ट्रातील इतर अनेक ठिकाणी छापे टाकले. या छाप्यादरम्यान एजन्सीने संशयास्पद सिमकार्ड, गुन्ह्याची कागदपत्रे आणि अनेक डिजिटल उपकरणे जप्त केली आहेत. तपासानंतर या प्रकरणात काही लोकांना अटक केली जाऊ शकते, असे एजन्सीचे म्हणणे आहे.
NIA raids in Gujarat and Maharashtra in ISI espionage case, several documents seized
महत्त्वाच्या बातम्या
- नाशकात भगवी शॉल घालून ‘काश्मीर फाइल्स’ चित्रपटासाठी गेलेल्या महिलांना रोखलं, थिएटरबाहेरच काढायला लावली गळ्यातील शॉल, भाजपची मुख्यमंत्र्यांवर टीका
- कोरोनामुळे मृत्यूंचा घोटाळा : नुकसानभरपाईच्या खोट्या दाव्यांवर सर्वोच्च न्यायालयाचे आदेश, महाराष्ट्रासह 3 राज्यांतून पडताळणी
- Uniform Civil Code : पहिल्या कॅबिनेट बैठकीत उत्तराखंडचे मुख्यमंत्री धामींची मोठी घोषणा, समान नागरी कायदा लागू करण्याचा निर्णय, निवडणुकीत दिले होते आश्वासन
- Kashmiri Hindu Genocide : काश्मिरी हिंदूंच्या नरसंहाराचा फेरतपास करा; यासिन मलिक, बिट्टा कराटेवर खटले चालवा; सुप्रीम कोर्टात फेरयाचिका!!