लसीकरण वाढवण्यासाठी औरंगाबाद जिल्हा प्रशासनाची कठोर भूमिका, 20 नोव्हेंबरपर्यंत लस घेतली नाही, तर रेशन आणि पेट्रोल मिळणार नाही

By, Vishal Joshi - November 11, 2021 12:30:45

0

औरंगाबादमध्ये कोरोना विषाणूची लस न घेणाऱ्यांसाठी जिल्हा प्रशासनाने अत्यंत कठोर आदेश दिले आहेत. जिल्हा प्रशासनाने बुधवारी जिल्ह्यातील सर्व शिधावाटप दुकाने, गॅस एजन्सी आणि पेट्रोलपंपांना लसीचा किमान एक डोस मिळालेल्या नागरिकांनाच वस्तू आणि इंधनाचा पुरवठा करण्यास सांगितले आहे. प्रशासनाने जारी केलेल्या आदेशानुसार, लस न मिळालेल्या लोकांना जिल्ह्यातील पर्यटनस्थळांवरही प्रवेश मिळणार नाही. new rules of Aurangabad district administration petrol and ration Ban For Those Who Not Taken Covid vaccine till November 20

विशेष प्रतिनिधी

औरंगाबाद : औरंगाबादमध्ये कोरोना विषाणूची लस न घेणाऱ्यांसाठी जिल्हा प्रशासनाने अत्यंत कठोर आदेश दिले आहेत. जिल्हा प्रशासनाने बुधवारी जिल्ह्यातील सर्व शिधावाटप दुकाने, गॅस एजन्सी आणि पेट्रोलपंपांना लसीचा किमान एक डोस मिळालेल्या नागरिकांनाच वस्तू आणि इंधनाचा पुरवठा करण्यास सांगितले आहे. प्रशासनाने जारी केलेल्या आदेशानुसार, लस न मिळालेल्या लोकांना जिल्ह्यातील पर्यटनस्थळांवरही प्रवेश मिळणार नाही.

या आदेशानुसार लस न घेणाऱ्यांनाही जिल्हा पातळीवर प्रवास निर्बंधांना सामोरे जावे लागणार आहे. मिळालेल्या माहितीनुसार, कोरोना लसीकरणाचा वेग कमी असल्याने मुख्यमंत्री उद्धव ठाकरे यांनी 20 नोव्हेंबरपर्यंत 100 टक्के लसीकरणाचे दिलेले उद्दिष्ट पूर्ण करण्याच्या दृष्टीने हे करण्यात आले आहे. प्रशासकीय आदेशानुसार, सर्व हॉटेल, रिसॉर्ट, सर्व पर्यटन स्थळांवर असलेल्या दुकानांमध्ये काम करणाऱ्या लोकांना लसीकरण करणे आवश्यक करण्यात आले आहे. हा आदेश 9 नोव्हेंबरपासून जिल्ह्यात लागू झाला आहे.

लसीकरणाचे उद्दिष्ठ गाठल्याने आर्थिक चक्र गतिमान, भारतीय अर्थव्यवस्था वेगाने विकासाच्या मार्गावर

औरंगाबादमध्ये लसीकरणाचा वेग खूपच कमी

जिल्हा अधिकाऱ्यांनी सांगितले की, राज्यातील 36 जिल्ह्यांमध्ये लसीकरणाच्या बाबतीत 26 व्या क्रमांकावर आहे. जिल्ह्यात आतापर्यंत 55 टक्के पात्र लोकांना लसीकरण करण्यात आले आहे, तर राज्यात हे प्रमाण 74 टक्के आहे. मंगळवारी रात्री जारी केलेल्या आदेशात औरंगाबादचे जिल्हाधिकारी सुनील चव्हाण यांनी रास्त भाव दुकाने, गॅस एजन्सी आणि पेट्रोल पंपाच्या अधिकाऱ्यांना ग्राहकांची लसीकरण प्रमाणपत्रे तपासण्याचे निर्देश दिले आहेत, असे एका अधिकाऱ्याने सांगितले.

अलीकडेच पंतप्रधान नरेंद्र मोदी यांनीही जिल्हा प्रशासनाला कोरोना लसीकरणासाठी आवश्यक पावले उचलण्यास सांगितले होते. महाराष्ट्रात लसीकरणाचे सरासरी प्रमाण ७४ टक्के असताना औरंगाबादमध्ये लसीकरणासाठी पात्र असलेल्या केवळ ५५ टक्के लोकांनाच लसीचा एक डोस मिळाला आहे. त्याच वेळी 23 टक्के लोकांना लसीचे दोन्ही डोस मिळाले आहेत. सणासुदीच्या काळात कोरोना विषाणू संसर्गाची तिसरी लाट येण्याची शक्यता लक्षात घेता लसीकरणाला गती देण्याचा निर्णय घेण्यात आला आहे.

रात्री ८ वाजेपर्यंत लसीकरण

लसीकरण मोहिमेला गती देण्यासाठी औरंगाबाद जिल्हा परिषदेने लसीकरणाची वेळ संध्याकाळपर्यंत वाढविण्याचा निर्णय घेतला असल्याचे आणखी एका अधिकाऱ्याने सांगितले. जिल्हा परिषदेचे आरोग्य अधिकारी सुधाकर शेकळे यांनी पीटीआयला सांगितले की, “बरेच लोक सकाळपासून संध्याकाळपर्यंत शेतात काम करतात. त्यामुळे त्यांच्या लसीकरणाच्या सोयीसाठी जिल्हा परिषदेच्या वतीने सायंकाळी पाच ते रात्री आठ या वेळेत जिल्ह्यात लसीकरण करण्यात येणार आहे.