Chief Minister Fadnavis : तहव्वुर राणाच्या चौकशीत महाराष्ट्र सरकार NIAला पूर्ण सहकार्य करेल – मुख्यमंत्री फडणवीस

By, Pravin Wankhade - April 12, 2025 09:00:56

0

आपल्या मनावर ओझे होते की… असंही फडणवीसांनी यावेळी सांगितले.

विशेष प्रतिनिधी

मुंबई : Chief Minister Fadnavis अमेरिकेतून प्रत्यार्पण करण्यात आलेल्या पाकिस्तानी वंशाच्या दहशतवादी तहव्वुर राणाच्या चौकशीत महाराष्ट्र सरकार राष्ट्रीय तपास यंत्रणेला (एनआयए) पूर्ण सहकार्य करेल, असे महाराष्ट्राचे मुख्यमंत्री देवेंद्र फडणवीस यांनी म्हटले आहे. Chief Minister Fadnavis

राणाला भारतात आणल्यानंतर पहिल्यांदाच प्रतिक्रिया देताना फडणवीस म्हणाले, सर्वप्रथम मला खूप आनंद आहे की भारत सरकारने मुंबई हल्ल्याचा कट रचणाऱ्या तहव्वुर राणाला भारतात यशस्वीरित्या आणले आहे. आता त्याला आपल्या न्यायव्यवस्थेला सामोरे जावे लागेल.

मेट्रो, ई-बसनंतर शहरी वाहतुकीसाठी ई-ट्रांझिटवर शासनाचा विचार

फडणवीस म्हणाले की, आपल्या मनावर ओझे होते की, कसाबला तर आपण फाशी दिली पण दहशतवादी हल्ल्याचा कट रचणारा अजूनही शिल्लक आहे. म्हणून भारत सरकारने त्याला इथे आणण्यासाठी पुढाकार घेतला.

त्यासाठी, या हल्ल्यात ज्यांनी आपले कुटुंबीय गमावले आहेत अशा सर्व मुंबईकरांच्या वतीने मी पंतप्रधान नरेंद्र मोदी यांचे विशेषतः आभार मानतो. जोपर्यंत त्या तपासाचा प्रश्न आहे, तो एनआयए द्वारे चालवला जात आहे. महाराष्ट्र सरकार आणि विशेषतः मुंबई पोलिसांच्या वतीने, आम्ही यामध्ये एनआयएला जे काही आवश्यक असेल ते सर्व देऊ.