Kunal Kamra : दोन समन्सनंतरही कुणाल कामरा हजर झाला नाही, आता मुंबई पोलिसांनी…

By, Pravin Wankhade - April 2, 2025 03:30:31

0

या आधी मुंबई पोलिसांनी कुणालच्या मुंबईतील घरी जाऊनही तपासणी केली होती.

विशेष प्रतिनिधी

मुंबई : Kunal Kamra स्टँड-अप कॉमेडियन कुणाल कामराभोवतीचा वाद थांबण्याचे नाव घेत नाहीये. मुंबई पोलिसांना या प्रकरणात कामराची चौकशी करायची आहे परंतु दोनदा समन्स मिळाल्यानंतरही कामरा हजर झालेला नाही. यानंतर, पोलिसांनी आता त्याला तिसरे समन्स बजावले आहे. त्याला ५ एप्रिल रोजी खार पोलिस ठाण्यात चौकशीसाठी हजर राहण्यास सांगण्यात आले आहे.Kunal Kamra

अलिकडेच, कुणाल कामराने एका कार्यक्रमात विडंबनात्मक गाण्याद्वारे अनेक राजकारण्यांची खिल्ली उडवली होती. त्यांनी कोणाचेही नाव घेतले नाही पण एका विडंबनात्मक गाण्यात त्याने अप्रत्यक्षपणे उपमुख्यमंत्री एकनाथ शिंदे यांना ‘देशद्रोही’ म्हटले, ज्यामुळे वाद निर्माण झाला आहे.

महाराष्ट्र आणि मायक्रोसॉफ्ट यांच्यात ए.आय. आधारित डिजिटल परिवर्तनासाठी भागीदारी

कुणाल कामराला पोलिसांनी तिसऱ्यांदा चौकशीसाठी बोलावले आहे. त्याला ५ फेब्रुवारी रोजी पोलिस ठाण्यात हजर राहून तपासात सहकार्य करण्यास सांगण्यात आले आहे. यापूर्वी, कामराला दोनदा समन्स पाठवण्यात आले होते आणि सोमवार, ३१ मार्च रोजी चौकशीसाठी बोलावण्यात आले होते, परंतु तो आला नाही. यानंतर, पोलिस पथक त्याच्या मुंबईतील घरी पोहोचले होते.

मिळालेल्या माहितीनुसार, यावेळी कुणालच्या पालकांनी सांगितले की त्यांना त्याच्याबद्दल कोणतीही माहिती नाही. कामराने मुंबई पोलिस त्याच्या घरी पोहोचल्यावर त्यांच्यावर टीकास्त्र सोडले होते. गेल्या १० वर्षांपासून तो त्या पत्त्यावर राहत नसल्याने ते वेळ आणि संसाधनांचा अपव्यय करत असल्याचे त्याने म्हटले होते.