येत्या 30 वर्षांत भारत होईल विश्वगुरू, सरसंघचालक म्हणाले- आमचा दुष्प्रचार झाला, कारण जगात कोणीही तर्काच्या आधारे आमच्याशी वाद घालू शकत नाही|India will become Vishwaguru in next 30 years, Sarsanghchalak Mohan Bhagawat

येत्या 30 वर्षांत भारत होईल विश्वगुरू, सरसंघचालक म्हणाले- आमचा दुष्प्रचार झाला, कारण जगात कोणीही तर्काच्या आधारे आमच्याशी वाद घालू शकत नाही

प्रतिनिधी

मुंबई : येत्या 20-30 वर्षांत भारत विश्वगुरू बनेल, असे राष्ट्रीय स्वयंसेवक संघाचे (आरएसएस) सरसंघचालक मोहन भागवत यांनी म्हटले आहे. पण भारताच्या विकासाचा वेग कमी करण्यासाठी त्याबद्दल चुकीचे समज आणि माहिती पसरवली जात आहे, कारण जगात कोणीही तर्काच्या आधारे आपल्याशी वाद घालू शकत नाही.India will become Vishwaguru in next 30 years, Sarsanghchalak Mohan Bhagawat

रविवारी मुंबईत विश्व हिंदू परिषदेचे उपाध्यक्ष अशोक चौगुले यांचा 75वा वाढदिवस अमृत महोत्सवासह साजरा करण्यात आला. या कार्यक्रमात भागवत उपस्थित होते.

सरसंघचालक म्हणाले, ‘दक्षिण भारतात मिशनऱ्यांपेक्षा हिंदू धर्मगुरूंनी जास्त सेवा केली’

पहिल्या स्वातंत्र्यलढ्यानंतर भारताबद्दल अपप्रचार – भागवत

भागवत म्हणाले- गेल्या काही वर्षांत भारताने खूप काही साध्य केले आहे. मात्र, जगात पसरवल्या जाणाऱ्या चुकीच्या गोष्टींविरुद्ध लढण्यासाठी येणाऱ्या पिढ्यांना आपण तयार करायला हवे. जेणेकरून जग आपल्याकडे आकर्षित होईल. पहिल्या स्वातंत्र्ययुद्धानंतर म्हणजेच 1857च्या युद्धानंतर आपल्याबद्दल काही गैरसमज पसरवले गेले. पण स्वामी विवेकानंदांनी आपल्याला हीन समजणाऱ्यांना चोख प्रत्युत्तर दिले होते.

भारताला विश्वगुरू बनवण्यासाठी 2-3 पिढ्या तयार कराव्या लागतील

मोहन भागवत म्हणाले- ज्यांचा हिंदु राष्ट्रावर विश्वास नाही, त्यांनाही वाटते की भारताची प्रगती झाली पाहिजे. 1857च्या क्रांतीनंतर संपूर्ण भारत एकत्र येऊ लागला. समाजात जागरूकता वाढली आणि मग काही काळानंतर आपण उत्तर देण्यास सक्षम झालो, मग स्वामी विवेकानंदांनी सुरुवात केली. जगात ज्यांना आपल्याला गुलाम बनवायचे होते, त्यांनाही आपली विचारसरणी बदलण्यास भाग पाडले गेले, परंतु संघर्ष आजही सुरू आहे. आता नव्या पिढीला तयार करायचे आहे. तरच येत्या 20-30 वर्षांत भारत हा विश्वगुरू होईल.