Arvind Sawant : फ्रॉम गांधीजी टू शिवाजी, अमीन पटेल के साथ एवरीबडी!!; एकेरी उल्लेखातून अरविंद सावंतांची मुक्ताफळं!!

By, Pravin Wankhade - October 29, 2024 04:17:52

0

विशेष प्रतिनिधी

मुंबई : Arvind Sawant मुंबईतल्या मुंबादेवी विधानसभा मतदारसंघातून काँग्रेसचे उमेदवार अमीन पटेल यांनी अर्ज दाखल केला. त्यावेळी त्यांच्या रॅलीमध्ये तुषार गांधी काय सामील झाले, तर लगेच उबाठा सेनेचे खासदार अरविंद सावंतांनी, “फ्रॉम गांधीजी टू शिवाजी अमीन पटेल के साथ एवरीबडी!!”, अशी मुक्ताफळं उधळली. रॅलीच्या उत्साहात आपण काय बोलून चाललोय, याचे भान देखील तीन टर्म खासदार राहिलेल्या अरविंद सावंत यांना उरले नाही.Arvind Sawant

Zelensky : झेलेन्स्की म्हणाले- मोदी युद्धावर प्रभाव टाकू शकतात; दुसरी युक्रेन पीस समिट भारतात व्हावी

काँग्रेस उमेदवार अमीन पटेल यांनी मुंबादेवी विधानसभा मतदारसंघातून अर्ज दाखल केला. त्यावेळी त्यांनी मोठी रॅली काढली त्या रॅलीमध्ये महात्मा गांधींचे पणतू तुषार गांधी आणि उबाठा सेनेचे खासदार अरविंद सावंत सामील झाले. या दोन्ही नेत्यांनी “संविधान बचाव” चा जुनाच मुद्दा पुन्हा उगाळला. केंद्रात मोदी सरकार परत आल्याने संविधानावरचा खतरा अजून टाळलेला नाही, असा दावा तुषार गांधींनी केला. त्या लोकांनी कुठली कामंच केली नाहीत. म्हणून ते आज पुन्हा हिंदू – मुस्लिम असा वाद उकरून काढत आहेत, पण आम्ही जनतेच्या आशा – अपेक्षांशी जोडले गेलेलो आहोत. त्यामुळे जनता आमच्या पाठीशी आहे, असा दावा अरविंद सावंत यांनी केला.

#WATCH | Mumbai | Shiv Sena (UBT) leader Arvind Sawant says, "Today, from Gandhi ji to Shivaji, everyone has come together here…They (BJP) are still playing with the Constitution. Maharashtra is being looted today…Amin Patel will win with even greater numbers than before…" pic.twitter.com/2URhpPOhAU

— ANI (@ANI) October 29, 2024

पण उत्साहाच्या भरात त्यांनी छत्रपती शिवाजी महाराजांचा एकेरी उल्लेख केला. “फ्रॉम गांधीजी टू शिवाजी आज लोक अमीन पटेल के साथ शामिल हुए है,” अशी मुक्ताफळं अरविंद सावंत यांनी उधळली. त्याचवेळी त्यांनी तुषार गांधींनाच महात्मा गांधींची उपमा देऊन टाकली. जणू काही तुषार गांधींच्या रूपाने महात्मा गांधीच अमीन पटेल यांच्या रॅलीत सामील झालेत, असा दावा अरविंद सावंत यांनी ठोकला. अरविंद सावंत यांच्या या मुक्ताफळांमुळे मोठा वाद उसळण्याची दाट शक्यता आहे.

#WATCH | Mumbai | Supporting Congress leader Amin Patel, great-grandson of Mahatma Gandhi, Tushar Gandhi says, "I always support the persons who are the real representatives of the public. This time it is a fight for our principles. There is still a danger to our Constitution.… pic.twitter.com/vW6khLAXkv

— ANI (@ANI) October 29, 2024