महाराष्ट्र सहकारी बँक घोटाळाप्रकरणी रोहित पवारांना EDने चौकशीसाठी बजावले समन्स

रोहित पवारांना ईडीने २४ जानेवारीला चौकशीसाठी बोलावले आहे

विशेष प्रतिनिधी

मुंबई : महाराष्ट्र सहकारी बँक घोटाळा प्रकरणी अंमलबजावणी संचालनालयाने राष्ट्रवादी काँग्रेस पक्षाचे अध्यक्ष शरद पवार यांचे नातू आणि आमदार रोहित पवार यांना चौकशीसाठी समन्स बजावले आहे. सहकारी बँक घोटाळ्याप्रकरणी मनी लाँड्रिंग तपासाचा भाग म्हणून ईडीने २४ जानेवारीला चौकशीसाठी बोलावले आहे. पीटीआय या वृत्तसंस्थेने ही माहिती दिली आहे.ED summons Rohit Pawar for inquiry in Maharashtra Cooperative Bank scam

रोहितच्या आजच्या वयात शरद पवार होते मुख्यमंत्री; सुप्रिया सुळेंचा अजितदादांना टोला की रोहित पवारांचे वाभाडे??

केंद्रीय अन्वेषण यंत्रणेने ५ जानेवारी रोजी बारामती, पुणे, औरंगाबाद आणि अन्य काही ठिकाणी रोहित पवार यांच्या मालकीची बारामती अॅग्रो आणि अन्य संबंधित संस्थांच्या जागेवर छापे टाकल्याची माहिती आहे.

रोहित पवार हे महाराष्ट्र विधानसभेत कर्जत जामखेड विधानसभा मतदारसंघातून पहिल्यांदाच आमदार झाले आहेत. ते बारामती अॅग्रोचे मालक आणि सीईओही आहेत. मुंबई पोलिसांच्या आर्थिक गुन्हे शाखेने ऑगस्ट २०१९ मध्ये एफआयआर नोंदवल्यावर महाराष्ट्र राज्य सहकारी बँक मनी लॉन्ड्रिंग प्रकरण प्रसिद्धीस आले होते.