नानांना काँग्रेस हाऊसच्या दारात आडवी जाणारी मांजर अरविंद शिंदेंनी माघारी हुसकवली खरी, पण ती बाकीच्यांना कुठली वाट दाखवणार?? Cat crossing may be superstitious, but how will Congress overcome its factionalism??

नानांना काँग्रेस हाऊसच्या दारात आडवी जाणारी मांजर अरविंद शिंदेंनी माघारी हुसकवली खरी, पण ती बाकीच्यांना कुठली वाट दाखवणार??

प्रतिनिधी

पुणे : काँग्रेसचे आक्रमक प्रदेशाध्यक्ष सध्या काँग्रेस मधून आणि महाविकास आघाडीतील घटक पक्षांकडून विविध प्रकारे अडचणीत आले असताना नानांना पुण्याच्या काँग्रेस हाऊसच्या प्रवेशद्वाराजवळ एक मांजर आडवी जातच होती, पण काँग्रेसचे पुणे शहराध्यक्ष अरविंद शिंदे यांनी मात्र नानांना आडवी जाऊ पाहणाऱ्या मांजरीला मध्ये उभे राहून हुसकावून लागल्याचा व्हिडिओ सध्या मोठ्या प्रमाणावर व्हायरल होतो आहे. Cat crossing may be superstitious, but how will Congress overcome its factionalism??

या व्हिडिओवरून मराठी माध्यमांनी अंधश्रद्धेच्या बातम्या केल्या आहेत. त्याचा संबंध काँग्रेसच्या सध्याच्या राजकीय अवस्थेशी आणि काँग्रेस मधल्या राजकीय भांडणांशी लावण्याचा प्रयत्न केला आहे.

वास्तविक अरविंद शिंदे यांनी आपल्याला आडवी जाणारी मांजर घुसली हुसकून लावली हे नानांना कळले देखील नाही. कारण व्हिडिओत दिसणाऱ्या नानांच्या बॉडी लॅंग्वेजवरून ते कुठेही मांजरीमुळे अडखळल्याचे दिसत नाहीत.

पण तरी देखील काँग्रेसमध्ये सध्या सर्वच काही आलबेला नसल्यामुळे आणि नाशिक पदवीधर मतदार संघात सध्या सत्यजित तांबे एपिसोड घडत असल्यामुळे त्यातून निर्माण झालेला राजकीय वाद आणि नानांना आडवी जाऊ पाहणारी मांजर याचा मजेशीर राजकीय संबंध मराठी माध्यमांनी जोडला आहे.

नाना पटोले यांना मांजर आडवी जाणारच होती पण.., पुणे काँग्रेस शहराध्यक्ष अरविंद शिंदे यांनी काय केलं पाहा… #NanaPatole #Pune #Congress #PuneElection #Maharashtra pic.twitter.com/GUrSjMWIzM

— Harshal Jadhav (@harshal_rj) February 6, 2023

त्यातच पुण्यात देखील माजी शहराध्यक्ष रमेश बागवे यांचे चिरंजीव माजी नगरसेवक अविनाश बागवे हे सत्यजित तांबे एपिसोडे रिपीटेशन घडविण्याच्या बेतात असल्याच्या बातम्या आहेत. नगरसेवक रशीद खान यांना काँग्रेसमध्ये फेरप्रवेश दिल्याबद्दल त्यांची नाराजी आहे. त्यामुळे अविनाश बागवे भाजपच्या वाटेवर असल्याची चर्चा आहे. म्हणूनच आता नानांना काँग्रेस हाऊसच्या प्रवेशद्वाराजवळ आडवी जाऊ पाहणारी मांजर मांजर बाकीच्यांना कुठल्या कुठल्या प्रवेशाची वाट दाखवते हे पाहणे महत्त्वाचे ठरणार आहे!!